Qarjy mınıstrligi kásipkerlerge salyq esebin júrgizýge kómektesetin «Halyq býhgalteri» aksııasyn bastaıdy. Bul týraly búgin Úkimet otyrysynda Qarjy mınıstri Mádı Takıev málimdedi, dep jazady Egemen.kz.
Aksııa aıasynda jeke kásipkerler (JK) men shaǵyn bıznes sýbektilerine býhgalterlik jáne salyqtyq esepti daıyndaý jáne tapsyrý kezinde konsýltasııalyq kómek kórsetiledi.
«Halyq býhgalteri» barysynda resmı resýrstar men jeke Telegram-arna qurylyp, oflaın jáne onlaın vebınarlar ótkiziledi. Esepti kezeńderde taqyryptyq konsýltasııalyq sessııalar da uıymdastyrý josparlanǵan.
Salyq bereshegi bar kásipkerler qaryzyn keıinge qaldyra alady
Aksııaǵa kásibı býhgalterler men aýdıtorlar, kásibı býhgalterlik birlestikterdiń ókilderi, aýmaqtyq memlekettik kirister organdarynyń mamandary (túsindirme jumystaryn júrgizý bóliginde) atsalysady.
«Aksııany birinshi jartyjyldyqta ótkizýdi usynamyz. Memlekettik kirister komıteti óz tarapynan servıstik modeldi engizý jáne bıznes úshin memlekettik qyzmetterdiń sapasyn arttyrý jónindegi jumysty kúsheıtedi», dedi Mádı Takıev.Aıta keteıik, búgingi Úkimet otyrysynda shaǵyn bıznesti qoldaýdyń biryńǵaı baǵdarlamasy da usynyldy.