Búgin jergilikti ýaqytpen saǵat 08:32-de Kaspıı teńizinde jer silkinisi tirkeldi. Bul týraly Ázerbaıjan Ulttyq ǵylym akademııasy janyndaǵy Respýblıkalyq seısmologııalyq qyzmet ortalyǵy habarlady, dep jazady Egemen.kz
Jerasty dúmpýleriniń magnıtýdasy 4,8 balǵa jetken. Jer silkinisiniń oshaǵy teńizde, Baký qalasy men Qara-Boǵazkól shyǵanaǵynyń aralyǵynda ornalasqan.
Volcanodiscovery.com dereginshe, jer silkinisiniń magnıtýdasy 5,1 ball bolǵan, al oshaǵy 57 shaqyrym tereńdikte anyqtalǵan.
Aıta keteıik, 12 tamyz kúni de Kaspıı teńizinde 3,2 baldyq jer silkinisi bolǵan edi.