Prezıdent tapsyrmalaryn oryndaý jáne júrip jatqan salyq reformasy aıasynda Úkimet salyqtyq ákimshilendirý júıesin qaıta júkteýdi bastaıdy. Bul týraly Premer-mınıstr Oljas Bektenov Úkimet otyrysynda málimdedi, dep jazady Egemen.kz.
Úkimet basshysynyń aıtýynsha, salyqtyq ákimshilendirý «taza paraqtan» júrgiziledi. Iаǵnı, eski, kúrdeli jáne túsiniksiz talaptar qaıta qaralyp, júıe kásipkerlerge barynsha jeńil ári ashyq bolýǵa tıis.
«Bul sharalar barlyq mıkro jáne shaǵyn bıznes sýbektilerine oń áserin tıgizedi. Normatıvtik quqyqtyq aktilerdi qabyldap, aqparattyq júıelerdiń daıyndyǵyn qamtamasyz ete otyryp, barlyq uıymdastyrý jumystaryn jedel júrgizý qajet», dedi Premer-mınıstr.
Basty maqsat – kásipkerlerge artyq salmaq salmaı, salyq tóleý úderisin qarapaıym, túsinikti jáne ádil etý.