Bıyl medısınalyq joǵary oqý oryndaryn támamdaǵan 10,5 myń túlektiń 34%-y aýyldyq medısınalyq uıymdarǵa jumysqa ornalasýǵa jiberilgen. Bul kórsetkish ótken jylmen salystyrǵanda eki esege jýyq artqan, dep jazady Egemen.kz.
Búginde óńirlerdegi dáriger tapshylyǵyn azaıtý maqsatynda jas mamandardy aýyldyq jerlerde qyzmet etýge yntalandyrý sharalary qabyldanǵan. Memlekettik qoldaý aıasynda olarǵa turǵyn úı, qarjylyq, bilim berý jáne áleýmettik kómek kórsetiledi.
Osy baǵytta qabyldanǵan sharalardyń arqasynda dáriger tapshylyǵy – 20%-ǵa, orta medısınalyq personal – 7%-ǵa, aýyldyq jerlerdegi dárigerler jetispeýshiligi –16%-ǵa azaıǵan.
Dáriger daıarlaýdyń jaýapkershiligi zor
Aýyldyq jerlerde jumysqa kirisken medısına qyzmetkerlerine:
kóterme járdemaqylar; eń tómengi paıyzdyq mólsherlememen turǵyn úı nesıeleri; jalaqyǵa qosymsha tólemder; áleýmettik qoldaýdyń ózge de sharalary usynylǵan.Osy jyldyń 10 aıynda aýyldyq eldi mekenderge jumys isteý úshin barǵan 298 dáriger (2024 jyly – 254 maman) keminde 100 eń tómengi jalaqy kóleminde nemese 8,5 mln teńge mólsherinde tólem alǵan. 596 medısına qyzmetkeri turǵyn úımen qamtamasyz etilgen.