Fıladelfııa mańyndaǵy qarttar úıinde gaz jarylyp, birinshi qabat jertólege opyrylyp tústi, dep habarlaıdy Egemen.kz.
AQSh-tyń Brıstol mýnısıpalıtetinde (Pensılvanııa shtaty) ornalasqan Silver Lake qarttar úıinde joıqyn jarylys pen órt boldy. Reuters agenttiginiń habarlaýynsha, apat saldarynan kem degende eki adam qaza taýyp, birneshe turǵyn aýyr jaraqat alǵan. Joıqyn eki jarylystan keıin ǵımarattyń terezeleri ushyp ketip, qasbeti qatty zaqymdalǵan. Negizgi konstrýksııa aman qalǵanymen, ishki qabattar ortasyna túsken.
О́rt sóndirý deposy nysannyń týra qarsysynda ornalasqandyqtan, mamandar sol sátte jetken. Alaıda olar kelgende birinshi qabattyń bir bóligi jertólege qulap úlgergen. О́rt ınspektory Kevın Dıppolıtonyń aıtýynsha, qutqarýshylarǵa adamdardy úıindiler arasynan, buǵattalǵan baspaldaqtar men turyp qalǵan lıftilerden shyǵarýǵa týra keldi. Birneshe adam jertóleden aman shyǵarylǵan.
Qutqarý jumystary qyzý júrip jatqanda, ǵımarat ishinde gazdyń ıisi baıqalyp, mamandar qaýipsizdik úshin nysannan shyǵýǵa májbúr bolǵan. Aldyn ala boljam boıynsha, apatqa gazdyń jylystaýy sebep bolǵan.
Qazirgi ýaqytta zardap shekkender men qaza tapqandardyń naqty sany anyqtalyp jatyr.