Atyraýdaǵy Batikkami galereıasynda Qazaqstannyń Eńbek Eri, KSRO Halyq ártisi Asanáli Áshimov túsken tańdaýly kınolardyń aptalyǵy ótip jatyr, dep habarlaıdy Egemen.kz.
Atalǵan galereıa jetekshisi Kámıla Japalovanyń aıtýynsha, qaıtalanbas ónerimen el yqylasyna bólengen akterdiń shyǵarmashylyǵyna arnalǵan eske alý keshi uıymdastyrylady.
«Eske alý keshi – ulttyq kıno ónerine ólsheýsiz úles qosqan tulǵanyń rýhyna taǵzym. Is-shara aıasynda kórnekti akter Asanáli Áshimov túsken fılmderden kınoqoıylym usynýdy jón kórdik. Turǵyndar kınoǵa tegin kiredi», deıdi Kámıla Japalova.
Kınoaptalyq 22 jeltoqsanda bastaldy. Sol kúni áıgili «Qyz Jibek», keshe «Atamannyń aqyry» kórsetildi. Atyraýlyqtar búgin «Siz kimsiz, Ka myrza?», erteń «Árýaq» fılmine kýá bolady.
Al 26 jeltoqsanda «Uly dala tańy» kınosy kınoaptalyqtyń núktesin qoıady.