Qystyń bir kúnindegi merekege bola shynardaı shyrshany baltalap, jaıratyp tastaý áli de jalǵasyp keledi. Tabıǵatqa jasalǵan taǵylyqtyń dáleli ispetti osyndaı tiri shyrshalar Petropavlda 6-15 myń teńge aralyǵynda satylyp jatyr, dep jazady Egemen.kz.
Baltalanǵan jasyl shyrshany toptap satyp jatqandardyń kóbiniń qolynda ruqsat qaǵazy bar. Polısııanyń málimdeýinshe ruqsat qaǵazynsyz satqandar aıyppul arqalaıdy.
«Eger ruqsat qaǵazynsyz satyp jatqandar bolsa olarǵa birinshi rette eskertý jasalady, al ekinshi ret ustalsa 10 AEK kóleminde aıyppul salynady», deıdi Petropavl PB basqarmasynyń basshysy M.Jumalıev.
Aıta keteıik, jergilikti polısııa shyrshany ruqsatsyz satýmen aınalysyp jatqandardy áshkereleý úshin reıd júrgizýdi bastady. Ol 31 jeltoqsanǵa deıin jalǵasady.