Memleket basshysy Oxford Economics 2025 reıtınginde Astana Azııa qurlyǵynda 36-oryn alǵanyna nazar aýdardy, dep habarlaıdy Egemen.kz Aqordanyń baspasóz qyzmetine silteme jasap.
«Jan basyna shaqqandaǵy óńirlik jalpy ónim kórsetkishi kóńil kónshiterlik. Oxford Economics 2025 ındeksine toqtalaıyn. Bul zertteýler álemniń eń iri myń qalasyn ekonomıka, adam kapıtaly, turmys sapasy, qorshaǵan orta jáne basqarý sanattary boıynsha baǵalaıdy. Astana Azııa qurlyǵynda 36-orynǵa jaıǵassa, álem boıynsha 276-orynǵa turaqtap, óńirimizdegi bárimizge belgili qalalardyń aldyna shyqty.
Biraq buǵan toqmeıilsýge bolmaıdy. О́ıtkeni áleýetimiz zor. Biz únemi alǵa jyljýymyz kerek. Sondyqtan dál osy ındeks boıynsha kelesi jyly Astananyń óz reıtıngisin jaqsartýǵa múmkindigi bar dep esepteımin. Sonyń arqasynda bizdiń Azııadaǵy reıtıngimiz de artady. Bul bizdiń qolymyzdan keledi dep oılaımyn», dedi Prezıdent.
Memleket basshysynyń aıtýynsha, Astana basqa aımaqtarǵa úlgi bolýǵa tıis.
«Shahardyń ekonomıkalyq belsendiligi kúsheıip keledi. Bul – jaqsy úrdis. Soǵan sáıkes ákimdikke jáne múddeli memlekettik organdarǵa jańa mindetter júkteledi», dedi Qasym-Jomart Toqaev.