2025 jyly jyljymaıtyn múlik naryǵynda qandaı ózgerister boldy?

Páterler aıtarlyqtaı qymbattady

2025 jyly jańa salynǵan turǵyn úılerdegi páter baǵasy kúrt ósti. El boıynsha baǵa orta eseppen 15,5%-ǵa artty (ár sharshy metrge +75 000 teńge).

Eń joǵary ósim Almatyda tirkeldi (shamamen 20%). Baǵanyń ósýi Pavlodar (+19,6%), Astana (+17,4%) jáne Qonaev (+17,5%) qalalarynda da baıqaldy. 

Baǵanyń bulaı ósýine ekonomıkalyq jáne ınflıasııalyq faktorlar, sondaı-aq qańtardan bastap qurylys salýshylar úshin QQS jeńildiginiń alynyp tastalýy jáne mólsherlemeniń 0%-dan 16%-ǵa deıin ósýi áser etti.

Qıyndyqtarǵa qaramastan, bıyl paıdalanýǵa berilgen turǵyn úı kólemi joǵary boldy – 11 aıda shamamen 17 mln sharshy metr baspana tapsyryldy.

Elordada ótken aıda páter jaldaý quny kúrt qymbattady

Qaıtalama naryq

Qazaqstannyń barlyq qalasynda páterler qymbattady. Ortasha ósim – 8%-dy kórsetti. Baǵanyń tómendeýi eshbir óńirde tirkelgen joq.

Eń joǵary ósim Qostanaıda (+14,4%), Astanada (+13%), Shymkentte (+12%), Almatyda (+7,3%), eń tómeni – Túrkistanda (+3,3%) tirkeldi.

Bıyl baǵa ótken jylmen salystyrǵanda eki ese jyldam ósti.

Ipoteka qoljetimsiz bola tústi

Ipotekalyq nesıeleý burynǵydan da qoljetimsiz boldy. Bir jyl ishinde mólsherlemeler 4–5%-ǵa ósip, 21%-dan 25%-ǵa jetti. Ásirese qaıtalama naryqtaǵy turǵyn úı alýshylarǵa jaǵdaı qıyndady.

Bankter eń joǵary ruqsat etilgen mólsherlemelerdi qaıta qaraý jáne Ulttyq banktiń bazalyq mólsherlemesiniń 18%-ǵa deıin ósýine baılanysty ıpotekany eki ret toqtatty. Qaryz alýshylar ıpotekalyq paıyzdardyń tómendeýin kútken, alaıda bul 2026 jylǵa qaldyryldy.

Memlekettik baǵdarlamalar qysqaryp jatyr. Bıyl iske qosylǵan jalǵyz jańa baǵdarlama – «Naýryz jumysshy». Bul jumysshy mamandyq ıelerine arnalǵan ıpoteka. Mólsherleme 7–9%, bastapqy jarna 10%-dan bastalady. Bir jylda ony 2546 adam rásimdegen.

Elimizde turǵyn úı kezegin jedeldetý maqsatynda jańa ereje engizildi

«7-20-25» baǵdarlamasynyń sharttary ózgerdi: qalalar boıynsha nesıe somasy artty, biraq jańa talap engizildi – sońǵy 1,5 jylda qaryz alýshy men onyń otbasy músheleriniń atyna turǵyn úı tirkelmeýi kerek. Barlyq bankter úshin jyldyq lımıt burynǵydaı – 100 mlrd teńge, bul kólem jetkiliksiz.

«Naýryz» ıpotekasy iske qosylǵannan beri eki jylda 15 myńnan astam nesıe rásimdeldi. Al «Umaı» áıelder ıpotekasy áli iske qosylǵan joq.

Turǵyn úıge suranys artty

Ipotekadaǵy qıyndyqtarǵa qaramastan, turǵyn úıge suranys turaqty boldy. Bıyl turǵyn úıdi satyp alý-satý mámileleri ótken jylmen salystyrǵanda 3%-ǵa artty. Belsendilik tamyz, qyrkúıek jáne qazan aılarynda tirkeldi, aıyna shamamen 41 myń mámile jasaldy.

Statıstıka boıynsha eń suranysqa ıe baspana – bir jáne eki bólmeli páterler.

Jeltoqsan aıynda, ótken jyldardaǵydaı, mámileler sany artýy múmkin – satýshylar men satyp alýshylar Jańa jylǵa deıin josparlaryn aıaqtaýǵa tyrysady.

Qurylysqa baqylaý kúsheıtildi

2025 jyly qurylys salasyna qatysty zańnama edáýir qatańdady. Eki paket túzetý qabyldandy. Negizgi ózgerister kelesideı:

úlestik qatysý týraly kelisimshart bolmasa páter satýǵa tyıym salyndy;

jańa turǵyn úılerdi jarnamalaýǵa shekteý qoıyldy.

Eger zańbuzýshýlyqtar tirkelse 800 myńnan 8,7 mln teńgege deıin aıyppul salynady.

Barlyq azamattar turǵyn úı kezegine tura alady 

2025 jyly alǵash ret turǵyn úı kezegine turý barlyq azamattarǵa qoljetimdi boldy. Negizgi shart – sońǵy 5 jylda turǵyn úıi bolmaýy kerek.

Mamyr aıynan bastap turǵyn úı kezegin «Otbasy bank» júrgizedi. Qazir kezekte 640 myńnan astam adam tur.

Kópten kútken qonystoı: Jurtshylyq jańa zańnyń ıgiligin kóre bastady

Zeınetaqy jetkiliktilik shekteri ósti

2025 jyly sońǵy úsh jylda alǵash ret zeınetaqy jınaqtarynyń jetkiliktilik shekteri kóterildi. Olar shamamen 10%-ǵa ósip, 2026 jylǵy qańtardan bastap qoldanylady.

Jańa jylǵa deıin zeınetaqy jınaǵynan qalaı aqsha alyp qalýǵa bolady?

Qazir zeınetaqy qarajaty kóbine ıpotekany óteýge jáne Otbasy banktegi depozıtterdi tolyqtyrýǵa baǵyttalyp jatyr.