Qazaqstan et ındýstrııasyn damytý jáne sıyr etin eksporttaýdyń bolashaq qarqyny men baǵytyn aıqyndaıtyn kezeńge aıaq basty, dep jazady Egemen.kz.
Álemdik et tutynýdyń ósýi, suranystyń Azııaǵa aýysýy jáne jahandyq naryqtaǵy básekelestiktiń kúsheıýi saladan memlekettiń, bıznestiń jáne kásibı qoǵamdastyqtyń naqty, uzaq merzimdi strategııasy men utymdy sheshimderin talap etedi.
«Qazaqstannyń et ındýstrııasyndaǵy iri qara: bolashaqtyń jol kartasy» taqyrybynda 14-15 aqpan kúnderi Rixos Burabay-da ótetin Dala Camp Forum 2026 halyqaralyq mal ósirýshiler forýmy dál osy jolǵa baǵyttalǵan.
Forým eksportqa, qaıta óńdeýge, turaqty satý modeline jáne Qazaqstannyń óńirlik kóshbasshylyǵyn nyǵaıtýǵa baǵyttalǵan aldaǵy 10 jylǵa arnalǵan etti mal sharýashylyǵyn damytý strategııasyn qalyptastyrýdy maqsat etedi. Osyǵan baılanysty uıymdastyrýshylar atap ótkendeı, álemde sıyr etin tutyný ósýde, al Azııa naryqtary suranystyń negizgi draıverine aınalyp keledi. Iri qara men tıimdi logıstıka bolǵan jaǵdaıda Qazaqstan et ındýstrııasynyń óńirlik ortalyqtarynyń biri retinde ornyǵýǵa múmkindik alady.
Dala.Camp Forum Qazaqstan, О́zbekstan, Qyrǵyzstan jáne alys shetelden kelgen 150-ge jýyq delegat – fermerler, reprodýktorlar, bordaqylaý alańdary, qaıta óńdeýshiler, ınvestorlar, salalyq sarapshylar, sondaı-aq halyqaralyq ınstıtýttardyń ókilderin biriktiredi.
Forýmǵa qatysýshylar men seriktester qatarynda: KUSTO Group, KazBeef, TERRA, «Atameken» UKP, DJDU, Halyqaralyq bilim berý korporasııasy, «Qazaqstan Angýsy» respýblıkalyq palatasy, «Qaıyp Ata» jáne basqalary bar.
Spıkerler quramynda: DJDU Bas dırektorynyń Halyqaralyq ǵylymı máseleler jáne standarttar jónindegi orynbasary Monserrat Arroıo Kýrıbrena, «Atameken» UKP Tóralqasynyń tóraǵasy Raıymbek Batalov, Kusto Group dırektorlar keńesiniń tóraǵasy Erkin Tátishev, «TERRA» kompanııalar tobynyń bas dırektory Erdos Tapaev, Halyqaralyq bilim berý korporasııasynyń Baqylaý keńesiniń tóraǵasy Aıǵazy Qusaıynov, «Qazaqstan Angýsy» respýblıkalyq palatasynyń dırektory Dáýren Salyqov jáne t.b. bar.
Forým baǵdarlamasyna strategııalyq paneldik sessııalar men praktıkalyq basqarý bloktary kiredi. Eksporttyq strategııa, memlekettik saıasat jáne qoldaý sharalary, ınvestısııalyq modelder, tiri malǵa baǵa qadyptastyrý, kadrlyq sheshimder, genetıka jáne fermerlik sharýashylyqtardyń tıimdiligin arttyrý basty nazarda.
Forým aıasynda Qazaqstannyń óńirlik jáne álemdik naryqtar úshin premıým sıyr etiniń áleýetti óndirýshisi retindegi róli qarastyrylady. Veterınarııalyq salaýattylyq jáne halyqaralyq standarttarǵa sáıkestik máselelerine erekshe nazar aýdarylady.
Forýmnyń mańyzdy ereksheligi offteık-kelisimsharttar júıesine praktıkalyq qoljetimdilik bolady: joba alańynda malshylar Turan qaýymdastyǵyna múshelikti rásimdeı alady jáne asa boljamdy jáne tıimdi satý sharttary negizinde iri satyp alýshylarmen jumys jasaı alady.
«Et eksporty bir rettik maqsat emes, búkil sala úshin uzaq merzimdi mindet. Dala.Camp kásibı qoǵamdastyqtyń biriktirý núktesi retinde qurylady, onda Qazaqstannyń óńirlik jáne álemdik naryqta ornyqty tuǵyrǵa qalaı ıe bolatyny týraly jalpy túsinik qalyptasady», — dep atap ótti Dala.Camp jobasy jáne qazaqstandyq Turan qaýymdastyǵy kiretin Zengi Group kompanııalar tobynyń jetekshisi Jánibek Kenjebaev.
Forým merekelik keshki aspen jáne qatysýshylardyń kásibı netvorkıngimen aıaqtalady.