Elimizde medısına qyzmetkerlerine shabýyl jasaǵandarǵa qoldanylatyn jazalar belgili boldy. Densaýlyq saqtaý mınıstrliginiń ókilderi men Senat depýtattary aıyppul mólsherin Senat kýlýarynda atady, dep habarlaıdy Egemen.kz.
Senator Aınur Arǵynbekova medısına qyzmetkerlerine jáne jedel járdem kóliginiń júrgizýshilerine kúsh qoldanamyn dep qorqytqandarǵa 200-den 500 AEK-ke deıin (ıaǵnı 790 myńnan 1,9 mln teńgege deıin) aıyppul qarastyrylǵanyn aıtty.
Sonymen qatar, osyndaı áreketter úshin:
aıyppul mólsherine teń qoǵamdyq nemese túzeý jumystary;
300 saǵatqa deıin qoǵamdyq jumystar;
jaǵdaıdyń aýyrlyǵyna qaraı 2 jyldan 3 jylǵa deıin bostandyǵyn shekteý nemese aıyrý jazasy qoldanylýy múmkin.
«Eger dárigerdiń ómiri men densaýlyǵyna qaýipti emes kúsh qoldaný bolsa, 500-den 1000 AEK-ke deıin (shamamen 1,9 mln teńgeden 4 mln teńgege deıin) aıyppul salynady. Sondaı-aq túzeý jumystary, 600 saǵatqa deıin qoǵamdyq jumystar, ne bolmasa 2–3 jylǵa deıin bas bostandyǵyn shekteý nemese aıyrý jazasy kózdelgen. Al eger bul áreket aýyrlatatyn mán-jaılarmen jasalsa, jaza 3 jyldan 7 jylǵa deıin bas bostandyǵynan aıyrýdy qamtıdy. О́miri men densaýlyǵyna qaýipti kúsh qoldanǵan jaǵdaıda jaza 5 jyldan 10 jylǵa deıin, al odan da aýyr qylmys jasaǵandar 12 jylǵa deıin bas bostandyǵynan aıyrylýy múmkin», dep túsindirdi senator.
Densaýlyq saqtaý vıse-mınıstri Tımýr Sultanǵazıev 2019 jyldan beri medısına qyzmetkerlerine 280 shabýyl jasalǵanyn aıtty.
«О́kinishke qaraı, bul kórsetkish jyl saıyn ósip keledi. Mysaly, 2019–2020 jyldary jylyna 5-10 shabýyl ǵana bolsa, sońǵy 2-3 jylda bul san 70-ke deıin, tipti odan da kóp. Bıyl da túrli oqıǵalar tirkeldi: 25 dárigerge shabýyl jasaldy, olardyń ekeýi – rezıdentter. Orta medısınalyq personalǵa 33 shabýyl, al jedel járdem júrgizýshilerine 9 shabýyl jasalǵan», dedi ol.
Eske salaıyq, qyrkúıek aıynda Jambyl oblysynda feldsherge oq atqan azamat jazalanǵan edi. Sondaı-aq 2025 jylǵy 17 shildede dárigerge shabýyl jasaǵan kúdikti qamaýǵa alyndy.