Kásipqoı boksta Qazaqstannyń abyroıyn asqaqtatyp júrgen otandasymyz Jánibek Álimhanuly búginge deıingi mansabynda qomaqty qarjy tabys tapqan. Orta salmaqta WBO jáne IBF nusqalary boıynsha álem chempıony atanǵan boksshynyń jalpy tabysy shamamen 1,5 mıllıon AQSh dollaryn quraıdy.
Bul málimetti sport salasyndaǵy sheteldik SurpriseSports portaly jarııalady. Sarapshylardyń málimetinshe, Álimhanulynyń tabysy tek jekpe-jekterden alynǵan gonorarmen shektelmeıdi. Oǵan teletranslıasııa úlesi, demeýshilik kelisimder men jarnamalyq tabystar da kiredi.
7 jeltoqsanda otandasymyz WBA tujyrymy boıynsha «altyn belbeý» ıegeri, kýbalyq Erıslandı Laramen qolǵap túıistirýge tıis bolǵan. Alaıda jekpe-jekke sanaýly kúnder qalǵanda Jánibektiń aǵzasynan ruqsat etilmegen dári-dármekterdiń izi anyqtalǵany habarlanyp, kezdesý resmı túrde toqtatyldy.