«Qazgıdromet» RMK 26 jeltoqsanǵa arnalǵan aýa raıy boljamyn jarııalady, dep habarlaıdy Egemen.kz.
Soltústik jáne ortalyq óńirlerde qar jaýyp, burqasyn men kóktaıǵaq kútiledi. Jel soltústik-batystan ońtústik-batysqa aýysyp, sekýndyna 9-14 metr, keı jerlerde 15-20 metrge deıin kúsheıedi. Aýa temperatýrasy túnde jáne kúndiz 18-30° aıaz, keı aımaqtarda 31° aıazǵa deıin tómendeıdi. Astanada túnde qar jaýyp, kúndiz -18…-20° aýa temperatýrasy saqtalady. Qostanaı men Petropavlda qatty aıaz bolady.
Shyǵysta qar, boran jáne kóktaıǵaq kútiledi, keı jerlerde qatty qar jaýady. Jel ońtústik-shyǵystan soltústik-batysqa aýysyp, sekýndyna 15-20 metr, ekpini 23-28 metrge deıin jetedi. Aýa temperatýrasy túnde 6-21° aıaz, kúndiz -4° aıazdan +1° jylýǵa deıin. О́skemen men Semeıde boran soǵyp, jolda kóriný nasharlaıdy.
Batys aımaqtarda negizinen qar jaýyp, keı jerlerde tuman men kóktaıǵaq bolady. Jel ońtústik-batystan sekýndyna 9-14 metr soǵady, ekpini 15-20 metr. Aýa temperatýrasy túnde 9-25° aıaz, kúndiz 2-16° aıaz. Oralda qar, Aqtóbede qatty aıaz, Atyraý men Aqtaýda jaýyn-shashynsyz aýa raıy kútiledi.
Ońtústikte jańbyr men qar aralas jaýyn-shashyn, taýly jáne taý bókterinde qatty jaýyn-shashyn, kóktaıǵaq pen tuman baıqalady. Jel ońtústik-batystan soǵyp, sekýndyna 8-13 metrge deıin, taýly asýlarda 23-28 metrge deıin kúsheıedi. Aýa temperatýrasy túnde -6…+3°, kúndiz -4° aıazdan +8° jylýǵa deıin. Almaty, Shymkent pen Túrkistanda kún jaıly, biraq joldar taıǵaq bolady.