Qolaısyz aýa raıy men aýa temperatýrasynyń kúrt tómendeýine baılanysty 26 jeltoqsanda Qostanaı oblysynyń birqatar qalasy men aýdanynda oqýshylar qashyqtan oqý formatyna aýysty, dep habarlaıdy Egemen.kz.
Qarabalyq aýdanynda aýa temperatýrasy -28 °C, jeldiń jyldamdyǵy sekýndyna 5 metr bolǵandyqtan, birinshi aýysymdaǵy 1–9 synyp oqýshylary qashyqtan oqıdy.
Rýdnyı qalasy Bilim bóliminiń habarlaýynsha, qolaısyz meteorologııalyq jaǵdaılarǵa baılanysty 26 jeltoqsanda birinshi aýysymdaǵy 0-11 synyp oqýshylary onlaın oqýǵa aýystyryldy.
Lısakovsk qalasynda aýa temperatýrasy -27 °C bolǵandyqtan birinshi aýysymnyń 1–9 synyp oqýshylary qashyqtan oqıdy.
Áýlıekól aýdanynda aýa temperatýrasynyń -32 °C-qa deıin tómendeýine baılanysty 1-11 synyp oqýshylaryna sabaq onlaın ótedi.
Amangeldi aýdanynda aýa temperatýrasy -26 °C bolǵandyqtan, birinshi aýysymdaǵy 0-4 synyp oqýshylary qashyqtan oqýǵa kóshirildi.
Arqalyq qalasynda aýa temperatýrasy -29 °C bolǵandyqtan 1-11 synyp oqýshylaryn qashyqtan bilim alady.
Altynsarın aýdanynda aýa temperatýrasynyń -29 °C-qa deıin tómendeýine baılanysty 0–9 synyp oqýshylary qashyqtan oqytý formatyna aýystyryldy.
26 jeltoqsanda Meńdiqara aýdanynda aýa temperatýrasy -30…-33 °C-qa deıin tómendeýine baılanysty 1-11 synyp oqýshylary qashyqtan oqytý formatyna kóshirildi.
Qolaısyz aýa raıyna baılanysty Uzynkól aýdanynda da 1–11 synyp oqýshylary qashyqtan oqýǵa aýystyryldy.
Naýyrzym aýdanynda aýa temperatýrasynyń -27 °C-qa deıin tómendeýine baılanysty birinshi aýysymdaǵy 0–9 synyp oqýshylary qashyqtan oqytý formatyna kóshirildi.
Eske sala keteıik, «Qazgıdromet» RMK boljamyna sáıkes, juma kúni, 26 jeltoqsanda Qazaqstan aýmaǵynyń basym bóliginde qar jaýyp, boran soǵady.