Jańa jyl merekesinde aıyppul salynatyn jaǵdaılar tek otshashýmen shektelmeıdi. Merekede tynyshtyq saqtaý erejesin buzbaǵan jón, áıtpese turǵyndar ákimshilik jaýapkershilikke tap bolýy múmkin, dep habarlaıdy Egemen.kz.
Dástúrli túrde 31 jeltoqsannan 1 qańtarǵa qaraǵan túni el turǵyndary dalada serýendep, otshashýlardy tamashalap, otbasylyq basqosýlardy ótkizedi. Alaıda elimizde jańa jyldy aıyppulsyz qarsy alý úshin qoldanystaǵy erejelerdi esten shyǵarmaǵan jón.
Merekede aıyppul tólegińiz kelmese. . .Kóptegen qazaqstandyqtar otshashýdy durys paıdalanbaǵany úshin 20-30 aılyq eseptik kórsetkish (AEK) kóleminde aıyppul salynatynyn biledi. Bul 1 qańtardan bastap 86 500-129 750 teńgeni quraıdy. Alaıda jaýapkershilik tek otshashýǵa ǵana qatysty emes.
«Krysha» portalynyń eske salýynsha, mereke túngi tynyshtyqty saqtaý talaptaryn joımaıdy. Jumys kúnderi shýǵa tyıym salý ýaqyty – 22:00-den 09:00-ge deıin, al demalys jáne mereke kúnderi – 23:00-den 10:00-ge deıin.
Tynyshtyqty buzýǵa qatty mýzyka, teledıdardyń daýysyn qatty qoıý, urys-keris, janjal, sondaı-aq feıerverk pen petardalardy atý jatady.
Ereje buzǵandarǵa aıyppul salynady. Polısııa shaǵymdardy tirkep, túsindirý jumystaryn júrgizedi jáne aıqyn zańbuzýshylyq anyqtalǵan jaǵdaıda hattama toltyrady:
jeke tulǵalarǵa – 5 AEK (21 625 teńge);
zańdy tulǵalarǵa – 20-dan 100 AEK-ke deıin (86 500432 500 teńge);
qaıtalap buzǵan jaǵdaıda aıyppul eki esege kóbeıedi.
Mysaly, jańa jyl túni samaldyqtan salıýt atqan turǵyn birden úsh aıyppul tóleýi múmkin:
tynyshtyqty buzǵany úshin – 21 625 teńge;
pırotehnıkany ruqsat etilmegen jerde paıdalanǵany úshin – 86 500 teńge;
órt qaýipsizdigi erejelerin buzǵany úshin – 21 625 teńge.
Jalpy soma – 129 750 teńge (eger bul birinshi ári sońǵy zańbuzýshylyq bolsa).
Aıyppuldan qalaı qutylýǵa bolady?Kórshilerge qurmetpen qaraý, shamadan tys shýlamaý jáne feıerverkterdi qaýipsiz ári ruqsat etilgen jerlerde paıdalaný jetkilikti.
Qazaqstanda zańsyz shyrsha keskenderge qandaı jaza qarastyrylǵan?
Aıta keteıik, Qazaqstanda pırotehnıkany zańsyz satqan satýshylarǵa da jaýapkershilik qarastyrylǵan. 2025 jyly tıisti qujattarsyz pırotehnıkalyq buıymdardy satý úshin 98 300 teńge kóleminde aıyppul kózdelgen.