26 jeltoqsanda Almaty qalasy TJD-nyń 112 pýltine áıel adamnan habarlama kelip tústi. Onyń aıtýynsha, aǵasy eki dosymen birge 24 jeltoqsan kúni tańerteń taýǵa shyǵyp, qaıtyp oralmaǵan. Joǵalǵan azamattardyń uıaly telefondary 12 saǵattan astam ýaqyt boıy óshirýli bolǵan, dep habarlaıdy Egemen.kz.
Habarlama túsken boıda yqtımal izdeý aýmaǵyna TJM kúshteri men quraldary jedel túrde jumyldyryldy.
Oqıǵa ornynda jedel shtab quryldy. Izdestirý-qutqarý jumystaryn júrgizý úshin TJM «Qazavıaqutqarý» tikushaǵy kóterilip, áýeden «Tuıyqsý» muzdyǵy, «Myńjylqy» saıy jáne «Lokomotıv» shyńy mańyndaǵy aýmaqtar tekserilýde.
«Ushqyshsyz ushý apparatynyń kómegimen júrgizilgen izdestirý jumystary barysynda «Lokomotıv» shyńy mańynan bir adamnyń máıiti tabyldy. TJM áýe kemesi arqyly teńiz deńgeıinen 3700 metr bıiktikten túsirilip, máıit polısııa qyzmetkerlerine tapsyryldySot-medısınalyq saraptama taǵaıyndaldy. Jeke tulǵany túpkilikti anyqtaý barlyq qajetti saraptamalar aıaqtalǵannan keıin júrgiziledi. Marqumnyń týystaryna TJD, ROSO psıhologtary men TJM medısına qyzmetkerleri tarapynan qajetti psıhologııalyq kómek kórsetilip jatyr», dep habarlady tótenshe jaǵdaı departamenti.
Qalǵan eki adamnyń ornalasqan jerin anyqtaý boıynsha izdestirý jumystary jalǵasyp jatyr.
Izdestirý jumystaryna 50-den astam adam, onyń ishinde qutqarýshylar men eriktiler, 7 birlik tehnıka, 4 ushqyshsyz ushý apparaty jáne Almaty qalasy TJD, ROSO, Qutqarý qyzmeti men Apattar medısınasy ortalyǵynyń 3 kınologııalyq eseptoby tartylǵan.