Bishkekte aýyr atletıkadan qyrǵyz eliniń maqtanyshy, Máskeý Olımpıadasynyń jeńimpazy, álemniń tórt dúrkin chempıony Qanybek Osmonalıevtiń júldesi úshin halyqaralyq týrnır óz máresine jetti, dep jazady Egemen.kz.
Atalǵan jarysta Qazaqstannyń ziltemirshileri tabysty óner kórsetti. Atap aıtsaq, Saıramkez Aqmolda (65 kg), Aıanat Jumaǵalı (77 kg), Sánııa Ormanbaeva (86 kg) jáne Aqerke Baımanap (+86 kg) altyn alsa, Marta Davletııarova (86 kg) kúmis medaldi ıelendi. Bul sportshylardyń barlyǵy da maıtalman mamandardyń nazarynda júrgender. Sol sebepti olardyń bul tabysy jankúıerlerdi tańdandyrǵan joq. Jalpy esepte jerlesterimiz jarys qojaıyndarynan keıingi ekinshi oryndy ıelendi.