Premer-Mınıstrdiń orynbasary, Jasandy ıntellekt jáne sıfrlyq damý mınıstri Jaslan Madıev elektrondy úkimet portalynyń jańa nusqasy daıyn ekenin málimdedi, dep habarlaıdy Egemen.kz.
Jańartylǵan eGov tanymal ChatGPT chat-botynyń qaǵıdaty boıynsha jumys isteıdi. Azamattarǵa endi qajetti bólimdi izdep, birneshe blankti toltyryp, anyqtamalardy qolmen júkteýdiń qajeti joq. Jaı ǵana chatqa suraý jazsa jetkilikti, jasandy ıntellekt tapsyrmany ózi túsinip, derekterdi jınap, daıyn qyzmetti usynady.
«Elektrondy úkimettiń kelesi deńgeıi azamattar jasandy ıntellektpen sóılesý arqyly tolyqqandy qyzmet alýy. Bul end-to-end sheshim dep atalady. Búginde ónim daıyn», dedi Jaslan Madıev.
Mınıstrdiń aıtýynsha, synaq aldaǵy aptalarda bastalady. Al halyq úshin tolyq iske qosý 2026 jylǵa josparlanǵan.