Qazirgi sıfrlyq álemniń negizin qalaǵan tulǵalardyń biri Alan Tıýrıng. Ǵalymnyń eńbekterinde búgingi kompıýter, algorıtm, jasandy ıntellekt uǵymdary alǵash ret qarastyrylǵan.
Taǵy bir qyzyq jaıt, Ekinshi dúnıejúzilik soǵys kezinde Alan Tıýrıng nemis armııasy qoldanǵan «Enigma» shıfryn buzýǵa kómektesken. Bul áreket soǵystyń erterek toqtaýyna áser etip, mıllıondaǵan adamnyń ómirin saqtap qaldy. Alaıda onyń eńbegi uzaq ýaqyt qupııa kúıinde qaldy. Soǵystan keıin Tıýrıng ǵylymı zertteýlerin jalǵastyryp, «mashına adamsha oılaı ala ma?» degen suraqty ǵylymı deńgeıde kótergen. Bul suraq búgingi jasandy ıntellekt damýynyń fılosofııalyq ózegi sanalady.