Premer-mınıstrdiń birinshi orynbasary Roman Sklıar Qytaıǵa jumys sapary barysynda Hanchjoý qalasynda Chjeszıan provınsııasy partııa komıtetiniń hatshysy Van Hao myrzamen, sondaı-aq Qytaıdyń jetekshi ónerkásiptik kompanııalarynyń basshylarymen kezdesýler ótkizdi.
Kezdesý barysynda taraptar ekijaqty strategııalyq áriptestiktiń basym baǵyttary jóninde jan-jaqty pikir almasyp, ınvestısııalyq, ónerkásiptik ózara is-qımyldy odan ári tereńdetý perspektıvalaryn talqylady. Sondaı-aq Qazaqstan men Chjeszıan provınsııasy arasynda mashına jasaý, avtomobıl qurastyrý, jańa tehnologııalar salasyndaǵy yntymaqtastyqty nyǵaıtý, onyń ishinde óńiraralyq deńgeıde praktıkalyq ózara is-qımyldy jandandyrý jónindegi ýaǵdalastyqtarǵa qol jetkizdi.
Buǵan qosa, Qazaqstan-Qytaı ónerkásiptik yntymaqtastyǵynyń ornyqty serpini men iri ındýstrııalyq jobalardy júzege asyrýdaǵy qytaı kompanııalarynyń aıtarlyqtaı tájirıbesi atap ótildi.
Kezdesý qorytyndysy boıynsha qytaılyq kompanııalardyń ókilderi ózara sheshimderdi dáıekti júzege asyrýǵa, óndiristik ári tehnologııalyq yntymaqtastyqty keńeıtýge ýaǵdalasty.
Roman Sklıar Qazaqstan Úkimeti birlesken bastamalardy kidirissiz qoldaýǵa ári damytýǵa, sondaı-aq olardy júzege asyrýdy úılestirýge jáne jobalardy tabysty oryndaý úshin jaǵdaı jasaýǵa daıyn ekenin jetkizdi.
Qazaqstan – Qytaı strategııalyq áriptestigi sheńberinde metallýrgııa, taý-ken baıytý ónerkásibi men avtomobıl óndirisi salasyndaǵy basym jobalardy pysyqtaý týraly ýaǵdalastyqqa qol jetkizildi.