Bas prokýratýra men Qarjy monıtorıngi agenttiginiń qyzmetkerleri ekonomıkalyq qyzmet salasynda aýyr qylmys jasaǵany úshin jaýaptylyqqa tartý maqsatynda Qazaqstan azamatyn Grýzııadan ekstradısııalady, dep habarlaıdy Egemen.kz.
Kúdikti 2023-2024 jyldary Almatyda kommersııalyq qurylymdy basqara otyryp, adamdar tobynyń aldyn ala sóz baılasýy arqyly is júzinde jumystardy oryndamaı jalǵan shot-faktýralardy jazý shemasyn uıymdastyrǵan.
Zańsyz áreketter nátıjesinde memleketke shamamen 1,3 mıllıard teńge kóleminde salyqty tólemeý túrinde zalal keltirilgen.
Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan.
2025 jyldyń qyrkúıeginde ol Grýzııada ustalyp, Bas prokýratýranyń suraýy boıynsha otanyna ekstradısııalandy.
Qazir kúdikti ýaqytsha ustaý ızolıatoryna qamaldy.
Aıyptalǵan qylmysty jasaǵany úshin múlki tárkilenip, 7 jylǵa deıingi merzimge bas bostandyǵynan aıyrý jazasy qarastyrylǵan.