Ýkraına prezıdenti Vladımır Zelenskıı men AQSh prezıdenti Donald Tramp 28 jeltoqsanda Florıda shtatynda kezdesedi. Bul aqparatty Zelenskıı keńsesi rastady, dep habarlaıdy Egemen.kz.
DW jazǵandaı, Ýkraına basshysy 26 jeltoqsan, juma kúni jýrnalıstermen onlaın formattaǵy kezdesý barysynda Ýkraınaǵa qatysty 20 tarmaqtan turatyn beıbit jospardyń 90 paıyzy ázir ekenin málimdedi.
Onyń aıtýynsha, 28 jeltoqsanda ótetin kezdesýde ol Donald Tramppen Kıevke qaýipsizdik kepildikterin berý máselesine qatysty qujattar toptamasyn talqylaýdy josparlap otyr.
Zelenskıı Ýkraınada prezıdent saılaýyn ótkizýge daıyn ekenin málimdedi
Vladımır Zelenskıı Ýkraınada prezıdenttik saılaý men referendým ótkizýge baılanysty zańnamalyq bastamalar bar ekenin de atap ótti. Alaıda bul máseledegi basty túıtkil qaýipsizdikti qamtamasyz etý bolyp otyr.
Ýkraınaǵa qandaı qaýipsizdik kepildigi berilýi múmkin?
Sonymen qatar Ýkraına prezıdenti túpkilikti beıbit kelisimge kelissózderge qatysyp otyrǵan tórt taraptyń – Ýkraına, AQSh, Reseı jáne Eýropalyq odaqtyń kelisiminsiz qol qoıý múmkin emes ekenin málimdedi.