Qazaqstannyń birinshi raketkasy Elena Rybakına (WTA №5) Qytaıdyń Shenchjen qalasynda ótip jatqan World Tennis Continental Cup kórme týrnırinde shveısarııalyq Belında Benchıchti (№11) jeńdi, dep jazady Egemen.kz.
Kezdesý Rybakınanyń paıdasyna 6:3, 6:4 esebimen aıaqtaldy. Bul match onyń bıylǵy maýsymdaǵy jekeleı syndaǵy sońǵy oıyny boldy.
Buǵan deıin týrnır barysynda Rybakına polshalyq tennısshi Iga Shvıontekke (WTA №2) jol bergen edi.
Shenchjende Elena aralas juptar saıysyna da qatysady. Ol reseılik tennısshi Andreı Rýblıovpen birge Valanten Vashro (Monako) men Iga Shvıontek (Polsha) jubyna qarsy oınaıdy.
2025 jyl Elena Rybakına úshin mansabyndaǵy eń tabysty maýsymdardyń biri boldy. Ol Strasbýrg pen Nınboda ótken eki WTA 500 týrnıriniń chempıony atandy. Sonymen qatar, Er-Rııadta ótken WTA Qorytyndy týrnırinde alǵash ret top jaryp, fınalda álemdik reıtıng kóshbasshysy Arına Sobolenkony (Belarýs) jeńdi.