Túrkistan oblysynda halyqaralyq mańyzy bar tasjoldyń boıynda ornalasqan dámhanadan órt shyqty. Tótenshe jaǵdaılar mınıstrliginiń mamandary tilsiz jaýdy aýyzdyqtap qana qoımaı, iri jarylystyń aldyn aldy, dep habarlaıdy Egemen.kz TJM baspasóz qyzmetine silteme jasap.
Oqıǵa 27 jeltoqsan, senbi kúni bolǵan. Túrkistan oblysy TJD «112» pýltine Almaty ‒ Termez avtojolynyń boıyndaǵy nysannyń órtenip jatqany týraly habarlama túsken.
О́rt sol sátte jumys istemeı turǵan jol boıyndaǵy dámhana ǵımaratynda bastalǵan. О́rt sóndirý qyzmeti oqıǵa ornyna jetkende, ǵımaratty jalyn tolyqtaı sharpyp úlgergeni anyqtaldy.
О́rtti sóndirý barysynda órtsóndirýshiler úlken qaýipke qaramastan ǵımarat ishine kirdi. Olar jalyn qushaǵynda qalǵan dámhana ishinen syıymdylyǵy 50 lıtrlik gaz ballonyn syrtqa alyp shyqty.
Qostanaı oblysyndaǵy órtten 5 jastaǵy bala kóz jumdy
Bul áreket jaǵdaıdyń odan ári ýshyǵýyna jol bermedi. Eger gaz ballony jarylǵanda, zardaptar budan da aýyr bolar edi. Qutqarýshylardyń jedel áreketiniń arqasynda yqtımal jarylysqa tosqaýyl qoıyldy.
Tótenshe jaǵdaı mamandarynyń úılesimdi jumysynyń nátıjesinde órt tolyqtaı sóndirildi. Oqıǵa saldarynan zardap shekkender men qaza tapqandar joq.
Qazirgi ýaqytta órttiń neden shyqqany anyqtalyp jatyr. Mamandar tıisti saraptamalardy taǵaıyndady.
Astanada úsh qabatty ǵımarattan órt shyqty
TJM azamattardy órt qaýipsizdigi erejelerin qatań saqtaýǵa, ásirese nysandardaǵy gaz jabdyqtary men elektr jelileriniń kúıin únemi baqylap otyrýǵa shaqyrady.