Elordanyń Saryarqa aýdanynda bolǵan joıqyn órttiń mán-jaıy belgili boldy. Tótenshe jaǵdaılar mınıstrliginiń mamandary birneshe saǵatqa sozylǵan tilsiz jaýdy tolyqtaı sóndirdi, dep habarlaıdy Egemen.kz vedomstvonyń baspasóz qyzmetine silteme jasap.
О́rt Yqylas Dúkenuly kóshesinde ornalasqan úsh qabatty ǵımarattan shyqqan. Qutqarýshylar oqıǵa ornyna jetkende jaǵdaı óte kúrdeli bolǵan.
Alǵashqy órt sóndirý bólimsheleri kelgen sátte jalyn ǵımarattyń ekinshi jáne úshinshi qabattaryn tolyqtaı sharpyp úlgergen. Ottyń jyldamdyǵynan nysannyń shatyry ishinara opyrylyp túsken.
О́rt sóndirýshilerdiń kásibı jáne der kezinde jasaǵan is-qımyldarynyń arqasynda ottyń kórshiles ǵımarattarǵa taralýyna jol berilmedi.
Tilsiz jaý jalpy aýmaǵy 800 sharshy metr jerde tolyqtaı sóndirildi. Oqıǵa saldarynan qaza tapqandar men zardap shekkender týraly aqparat túsken joq.
«О́rt sóndirýshilerdiń kásibıligi saldardy barynsha azaıtýǵa múmkindik berdi», dep atap ótti TJM ókilderi.
Qazirgi ýaqytta mamandar órttiń shyǵý sebebin anyqtap jatyr. Saryarqa aýdanyndaǵy bul oqıǵa elordalyqtardy qatty alańdatty.