Qazaqstanda aýa raıynyń kúrt nasharlaýyna baılanysty mańyzdy jol ýchaskelerinde kóliktiń barlyq túri úshin shekteý engizildi. 28 jeltoqsan kúni tańerteń bastalǵan boran men kóriný deńgeıiniń tómendeýi jol qozǵalysyna qaýip tóndirip tur, dep habarlaıdy Egemen.kz.
28 jeltoqsan saǵat 11:40-taǵy aqparat boıynsha, respýblıkalyq mańyzy bar tasjoldyń kelesi bólikterinde qozǵalysqa tyıym salyndy:
Atyraý oblysy: «Dossor – Qulsary – Beıneý – Saıótes – Shetpe – Jetibaı – Aqtaý» tasjolynyń Dossor kentinen Mańǵystaý oblysynyń shekarasyna deıingi bóligi (3-210 shaqyrym).
Mańǵystaý oblysy: Dál osy trassanyń Atyraý oblysynyń shekarasynan Beıneý aýylyna deıingi ýchaskesi (210-332 shaqyrym).