Almaty jurtshylyǵy qazaq kınosy arqyly jalpy halyqtyń júreginen oryn alǵan akter Nurlan Segizbaevty Qazaqstan Jazýshylar odaǵy ǵımaratynan aqtyq saparǵa shyǵaryp saldy. О́nerimen kórermen kóńilinde qalǵan azamattyń jarqyn beınesi halyq jadynda máńgi saqtalady, dep habarlaıdy Egemen.kz
Akter ári ssenarıst Nurlan Segizbaevpen qoshtasý rásimine marqumnyń jaqyndary, dostary, áriptesteri, kıno jáne teatr akterleri jınaldy.
Qoshtasý rásiminde sóz alǵan marqumnyń dosy, belgili rejısser Bolat Qalymbetovtiń sózi jınalǵandardyń qabyrǵasyn qaıystyrdy. Ol Nurlannyń óner jolyndaǵy bıiktigin ǵana emes, ishki jan dúnıesindegi aıtylmaǵan ókpesi men armanyn da aqtardy.
«Ol – aty ańyzǵa aınalǵan fýtbolshy Tımýr Segizbaevtyń týǵan inisi edi. Biraq ol eshqashan bireýdiń tasasynda qalǵan joq. Nurlannyń eń basty qasıeti – janynyń tazalyǵy. «Qazaqfılm» toqyrap, áli esh serıal túsirilmeı turǵan shaqta, eń alǵashqy «Perishte» týyndysy dál osy Nurlannyń ssenarııimen jaryq kórdi», dep eske aldy Bolat Qalymbetov.
Rejısserdiń aıtýynsha, talantty akter sońǵy jyldary ózine laıyqty qoldaýdyń joqtyǵyna ishteı renjip ótken. Keremet ssenarııleri qaǵaz júzinde qalyp, úlken ekranǵa joldama ala almaǵany onyń janyna batqan.
«Jasyratyn nesi bar?! Bizge kishkene renjidi ǵoı. Sebebi oǵan durys kóńil bólingen joq. Keremet ssenarııleri iske aspaı qaldy. Ol óziniń ómiriniń az qalǵanyn sezdi. «Maǵan qashan múmkindik beredi?» deıtin. «Men qaıdan bilemin. О́zim túsire almaı júrmin» deıtinmin», dedi dosy.
Nurlan Segizbaev tek shyǵarmashylyqtyń ǵana emes, taǵdyrdyń da qatal synaǵyna tap bolǵan edi. Bıylǵy naýryz aıynda dárigerler oǵan ókpeniń aýyr derti (HOBL, 4-shi satysy) degen dıagnoz qoıdy.