Meksıkada poıyzdyń relsten shyǵýy saldarynan 13 adam qaza taýyp, 98 adam jaraqat alǵan, dep habarlaıdy Egemen.kz.
Meksıkanyń áskerı-teńiz flotynyń habarlaýynsha, poıyzda barlyǵy 250 adam bolǵan. Olardyń ishinde toǵyzy – ekıpaj músheleri, al 241-i – jolaýshylar.
Qazirgi tańda 193 adamnyń jaǵdaıy qaýipsiz dep baǵalanyp otyr. Meksıka prezıdenti Klaýdııa Sheınbaýmnyń aıtýynsha, zardap shekken bes adamnyń jaǵdaıy óte aýyr, olar jansaqtaý bóliminde jatyr.
Oqıǵa eldiń ońtústigindegi Oahaka shtatynda, Chıvela men Nızanda qalalarynyń arasynda, Tynyq muhıtyn Meksıka shyǵanaǵymen baılanystyratyn temirjol jelisinde bolǵan. Aldyn ala málimet boıynsha, poıyz relsten shyǵyp ketken.
Apattyń sebepterin anyqtaý úshin Meksıkanyń bas prokýratýrasy resmı tergeý jumystaryn bastady.
Aıta keteıik, shilde aıynyń sońynda Germanııanyń ońtústik-batysyndaǵy Baden-Vıýrtemberg jerinde aımaqtyq jolaýshylar poıyzy relsten shyqqan bolatyn. Ol kezde shamamen 100 jolaýshynyń tórteýi qaza taýyp, keminde 34 adam túrli jaraqat alǵan edi.