Jańa jyl tabaldyryqtan attaǵan sátten bastap elimizdiń tynys-tirshiliginde aıtýly ózgerister bolady. Qańtar aıy azamattar úshin tek demalys kúnderimen ǵana emes, quqyqtyq jáne ekonomıkalyq mańyzy bar jańa erejelermen este qalmaq. Bul aıda bizdi 12 demalys pen 19 jumys kúni kútip tur, dep jazady Egemen.kz.
2026 jyldyń 1 qańtarynan bastap elimizdiń ekonomıkalyq qatynastaryn retteıtin negizgi qujat – jańa Salyq kodeksi kúshine enedi. Mundaǵy eń mańyzdy ózgeristerdiń biri – Qosylǵan qun salyǵynyń (QQS) 12% deńgeıinen 16% deńgeıine deıin kóterilýi. Sonymen qatar QQS boıynsha mindetti tirkeý shegi 15 mln teńgeden 40 mln teńgege deıin ulǵaıtyldy.
1 qańtardan bastap salyq reformasy kúshine enedi. Bazardaǵy baǵa sharyqtaýy yqtımal
Alaıda memleket áleýmettik mańyzdy salalardy salyqtyq júktemeden qorǵaýdy da umytqan joq. Endi tómendegi taýarlar men qyzmetter QQS-tan bosatylady:
Tegin medısınalyq kómektiń kepildik berilgen kólemi aıasyndaǵy taýarlar men qyzmetter; Mindetti medısınalyq saqtandyrý qyzmetteri; Otandyq baspa ónimderi (kitaptar) men olardy basyp shyǵarý qyzmetteri.Jeke jáne korporatıvti tabys salyǵy boıynsha jańa tártip ornaıdy. Korporatıvtik tabys salyǵynyń (KTS) bazalyq mólsherlemesi 20% bolyp bekitilse de, keıbir sektorlar úshin ósim qarastyrylǵan:
25% – bankter (ShOB-ty nesıeleýdi qospaǵanda) men oıyn bıznesi úshin; 5% (2026 jyly) jáne 10% (2027 jyldan bastap) – áleýmettik sala uıymdary úshin; 3% – aýyl sharýashylyǵy óndirýshileri úshin saqtalady.Al jylyna 8500 AEK-ke deıin (33,5 mln teńge) tabys tabatyndar úshin 10% mólsherleme saqtalady. Al tabysy bul shekten asatyn tulǵalar 15% tóleıtin bolady. Dıvıdendter boıynsha da osyǵan uqsas tásil qoldanylady: jylyna 230 000 AEK (shamamen 995 mln teńge) shegindegi tabysqa 5% jeńildik qoldanylsa, odan asqan somaǵa 15% salyq salynady.
Áleýmettik kepildikter men AEK ósimi2026 jyldyń 1 qańtarynan bastap «2026 – 2028 jyldarǵa arnalǵan respýblıkalyq bıýdjet týraly» zań kúshine enedi. Soǵan sáıkes, aılyq eseptik kórsetkish (AEK) 393 teńgege ósip, 4 325 teńgeni quraıdy.
Jańa jyldaǵy negizgi áleýmettik kórsetkishter:
Eń tómengi bazalyq zeınetaqy tólemi – 35 596 teńge; Eń tómengi zeınetaqy mólsheri – 69 049 teńge; Eń tómengi kúnkóris deńgeıi – 50 851 teńge. Eń tómengi jalaqy (MZP) ózgerissiz qalady – 85 000 teńge.Foto: Ashyq derekkóz
Bıýdjette zeınetaqyny 10% ındeksasııalaý qarastyrylǵan. Sonymen qatar Úkimettiń 2025 jylǵy 17 jeltoqsandaǵy qaýlysyna sáıkes, eńbekke qabilettiliginen jáne asyraýshysynan aıyrylý jaǵdaılary boıynsha áleýmettik tólemder de naqty alyp otyrǵan somadan 10% mólsherine artady.
Zeınetaqy jınaǵy: Tańdaý men shekteýZeınetaqy jınaǵyn maqsatty paıdalaný úshin qajetti «jetkiliktik shegi» 2026 jyly orta eseppen 10% deńgeıine joǵarylaıdy.
Jańa jylǵa deıin zeınetaqy jınaǵynan qalaı aqsha alyp qalýǵa bolady?
Esesine, árbir salymshy óz jınaǵyn ınvestısııalaýdyń úsh strategııasynyń (konservatıvti, teńgerimdi jáne agressıvti) birin óz betinshe tańdaý quqyǵyna ıe bolady.
2026 jyly zeınetaqy jınaǵynyń shegi ózgeredi
Mobıldi aýdarymdar men Qarjylyq baqylaý1 qańtardan bastap bank shottary men mobıldi aýdarymdardy baqylaýdyń jańa erejeleri iske qosylady. Eger jeke tulǵanyń shotyna úsh aı qatarynan aı saıyn 100 jáne odan da kóp túrli adamnan aqsha tússe jáne bul soma 12 eń tómengi jalaqydan (2026 jyly 1,02 mln teńgeden) assa, bul kásipkerlik qyzmettiń belgisi retinde qarastyrylady.
Qujat rásimdeý jáne MÁMS jańalyqtaryAlǵash ret kýálik alatyndar nemese merzimi ótken qujatty aýystyratyndar úshin memlekettik baj alynbaıdy (tegin). Alaıda kýálikti jylyna eki retten kóp joǵaltqandar 1 AEK (4 325 teńge) tóleıdi. Pasport baǵasy:
Balalarǵa – 17 300 teńge (4 AEK); 36 bettik – 34 600 teńge (8 AEK); 48 bettik – 51 900 teńge (12 AEK).Saqtandyrý júıesine keminde 5 jyl boıy turaqty jarna tólegen azamattar tabysynan aıyrylǵan jaǵdaıda 6 aıǵa deıin saqtandyrylǵan mártebesin saqtaıdy. Basqalar úshin bul merzim 3 aı.
«Saqtandyrylǵan» mártebesi 6 aıǵa uzartylady
Sondaı-aq 2026 jyldan bastap qant dıabetimen aýyratyn naýqastardy emdeý men baqylaý tolyqtaı MÁMS júıesine enedi.
Naryqtaǵy baǵa men ınflıasııalyq qysymUlttyq bank QQS-tyń kóterilýine baılanysty ınflıasııanyń jedeldeýi múmkin ekenin eskertedi. Bul ásirese azyq-túlik emes taýarlar men qyzmet kórsetý salasyna áser etpek.
Baılanys pen Internet: Beeline men Tele2/Altel tarıfterdi kóterýde. Kúndelikti paketter 30-40 teńgege, al «Menıaı vse Promo» sııaqty tarıfter 270 teńgeden 300 teńgege deıin ósedi. Logıstıka: Munaı tasymaldaý tarıfi 37,9% mólsherine (tonnasyna 6 777,76 teńge) qymbattaıdy. Temirjol: KTJ tarıfterdi ósirýdi josparlaǵanymen, 2026 jyldyń 1-toqsanyna moratorıı engizildi. Tehnıka: Operatıvti jady (DDR5) men SSD-dıskilerdiń tapshylyǵy baǵanyń 100% deńgeıine deıin ósýine ákeledi. Elektromobılder: Kvotanyń bolmaýyna baılanysty baǵa 30-40% mólsherge jetedi. Jyljymaıtyn múlik: Elıtalyq baspanalar men táýliktik jalǵa alý baǵasynyń 46,6% deńgeıine deıin ósýi baıqalyp otyr. (táýligine 15 myń teńgeden 22 myń teńgege deıin).Foto: Ashyq derekkóz
AEK-tiń ósýimen qatar aıyppuldar da artady. Jyldamdyqty 10-20 km/saǵ asyrý 21 625 teńgege, al 40 km/saǵ artyq asyrý 86 500 teńgege jetedi. Notarıýs qyzmetteri de qymbattaıdy: qaladaǵy múlik kelisimi 51 900 teńgege deıin, aýylda 11 677 teńgege deıin barady.
18 qańtardan bastap JI júıelerin qoldaný boıynsha jańa talaptar kúshine enedi. Onyń kómegimen jasalǵan ónimder mindetti túrde tańbalanýy tıis. Zań buzýshylarǵa 15 AEK-ten 200 AEK-ke deıin (iri bıznes úshin) aıyppul salynady.