«Qazgıdromet» sınoptıkteri elimizdegi sýyq antısıklondy ońtústikten keletin jyly sıklon yǵystyratynyn habarlady. Boljam boıynsha, mereke kúnderi ońtústik óńirlerde kún kúrt jylynsa, ortalyq aımaqtarda jaýyn-shashyn qarǵa ulasady, dep habarlaıdy Egemen.kz.
Sınoptıkterdiń qysqa merzimdi málimetine súıensek, 30-31 jeltoqsanda Aqmola, Pavlodar, Qaraǵandy jáne Ulytaý oblystarynda jańbyr men qar jaýýy yqtımal. Eldiń ońtústiginde negizinen jańbyr jaýady dep kútiledi. Sonymen qatar respýblıkanyń barlyq aýmaǵynda tuman túsip, kóktaıǵaq bolady jáne ekpindi jel soǵady.
Temperatýralyq kórsetkishter tómendegideı ózgeredi:
Soltústik pen ortalyqta 30 jeltoqsanda: –2...+3 gradýs jyly; Shyǵysta 30-31 jeltoqsan kúnderi: –2...+3 gradýs jyly; Ońtústik aımaqtarda: +5...+15 gradýs jyly.Qazirgi ýaqytta aýa raıynyń qolaısyzdyǵyna baılanysty Jetisý oblysyndaǵy «Úsharal – Dostyq» avtojolynyń bir bóligi (84 – 164 shaqyrym aralyǵy) kólik qozǵalysy úshin jabyq ekenin eskerý qajet.
Mamandardyń paıymdaýynsha, 2026 jyly kóktem erte bastalady. Naýryz aıynda elimizdiń barlyq óńirinde aýa temperatýrasy klımattyq normadan 1°S-qa joǵary bolady dep boljanyp otyr.