Germanııa astanasy Berlınde Santa-Klaýs kıimin kıgen myńdaǵan adam qaıyrymdylyq úshin júgirdi. Bul marafon jyl saıyn jeltoqsan aıynda uıymdastyrylyp keledi.
Is-sharanyń basty ereksheligi – qatysýshynyń tek júgirip qana qoımaı, qaıyrymdylyqqa naqty úles qosýy. Áýesqoı jelaıaqtar aldymen jarna tólep, arnaıy kostıým satyp alady. Sol arqyly jınalǵan qarajattyń edáýir bóligi ıgi maqsattarǵa baǵyttalady. Uıymdastyrýshylardyń málimetinshe, túsken aqsha balalardyń medısınalyq ortalyqtaryna kómek kórsetýge jumsalady. Bul – mereke qarsańynda qoǵam nazaryn qamqorlyq, meıirim jáne birlik qundylyqtaryna qaıta buratyn mańyzdy bastama.