Esirtki qylmysymen kúres toqtamaıdy

Kúdikti Petropavldyń shet jaǵynda jasy­ryl­ǵan esirtki qoı­masy bar ekenin aıtqan. Tekserý barysynda ol jerden asa iri kólemdegi psıhotroptyq zattar tabyldy. Tárkilengen esirtkiniń jalpy salmaǵy 276 gramnan asty. Qylmystyq kodekstiń 279-baby 3-bóligi boıynsha mun­daı qylmysqa 12 jylǵa deıin bas bostandyǵynan aıyrý jazasy qarastyrylǵan.

Osyndaı jaza Petropavldyń taǵy bir turǵynyna da berilýi múmkin. Ol óziniń «Kia Cerato» avto­mobılimen Astanadan Petro­pavlǵa esirtkiniń asa úlken kólemin jetkizgen degen kúdikke ilingen. Onyń mashınasynyń júk­salǵyshynan jalpy sal­maǵy 608 gramm «mefedron» (α-PvP) esirtkisiniń 4 oramasy tabylǵan.

Astanadan kelgen biri 18, e­kin­shisi 17 jastaǵy eki órim­deı jastyń boıynan tártip saqshylary ızolentamen oral­ǵan, untaq tárizdi zat salynǵan 3 túıinshekti taýyp aldy. Bul jalpy salmaǵy 84 gramnan asatyn «α-PvP» ataýymen belgili sıntetıkalyq psıhotroptyq zat­tar ekenin saraptama anyq­tady. Kúdiktilerge de 7 jyl­dan 12 jylǵa deıin bas bostan­dy­ǵy­nan aıyrý jazasy kózdel­gen. Qazir atalǵan fakti boıyn­sha tergeý júrgizilip jatyr. Jigit qamaýǵa alyndy, al onyń serik­te­si, 17 jastaǵy qyzǵa «kelý týraly mindetteme» túrin­de­gi bultart­­paý sharasy qol­danyl­dy.

Sondaı-aq esirtki qylmy­syna qarsy is-qımyl basqar­ma­sy keıingi kezde turǵyndar arasynan «jasyrýshy» boıynsha qylmystyq ister sırek kezdese bastaǵanyn aıtady. Bul jyl basynan beri oblysta júrgizgen aldyn alý sharalarynyń nátıjesi bolsa kerek. Tártip saqshylary jyl basynan beri 56 «jasyrýshyny» ustap, isterin sotqa jetkizgen. Alaıda 48 jastaǵy bir áıeldiń «jasyrýshylar» qatarynan tabylǵany ókinish uıalatady. Tártip saqshylary onyń sóm­ke­sinen qyzǵylt tústi krıstall tárizdi zat salynǵan 15 túıin­shek tárkiledi. Ustalǵan áıeldiń kórsetýi boıynsha buǵan deıin jasyryp ketken «qal­talar» da anyqtaldy. Tár­ki­len­gen sıntetıkalyq psı­hotroptyq zattyń (α-PvP) jalpy salmaǵy 40 gramǵa jýyq boldy. Bul shamamen 300 bir rettik dozaǵa teń. Atalǵan derek boıynsha qylmystyq is qozǵalyp, kúdikti qamaýǵa alyndy. Jedel aqparatqa sáıkes, áıel esirtki taratýmen tamyz aıynan beri aınalysqan. Ádette «qaltalaýshylardyń» kóbi mun­daı zańsyz áreketpen úsh aıdan artyq aınalysa almaıdy.

Jalpy esep boıynsha, jyl basynan beri oblys aýmaǵynda esirtki satý kúdigimen 132 adam, sonyń ishinde 13 áıel ustaldy. Qazir polısııa aldyn alý ju­mysynyń jańa formatyn en­gizip jatyr. Endi polısııa esirt­ki qylmystarynyń aldyn alý keńesiniń múshelerimen birge ata-analar komıtetteriniń tóra­ǵalaryn da kezdesýlerge shaqy­ratyn boldy.

Soltústik Qazaqstan oblysy