Prezıdent Jarlyǵymen jarııalanǵan Jumysshy mamandyqtary jyly kásiptik bilim berý salasyn reformalaýmen jáne qarapaıym eńbek adamdaryn dáripteýmen este qaldy. Jumysshy mamandyqtary jyly aıasynda atqarylǵan isterdi Prezıdenttiń kómekshisi – Baspasóz hatshysy Rýslan Jeldibaı telegram arnasynda qorytyndylady, dep jazady Egemen.kz.
Memleket basshysy jyl boıy óndiriste jáne áleýmettik salada eńbek etetin qyzmetkerlerdi Aqordada qarsy alyp, erekshe qurmet kórsetti.
Respýblıka kúni qarsańynda ónerkásip jáne qurylys salasynda jumys istep júrgen 500-ge jýyq azamatqa joǵary marapat tabystaldy. Olardyń 138-i – eńbek dınastııasynyń ókilderi.
Sonymen qatar 130-dan astam pedagog pen ǵalym, 100-den asa medısına qyzmetkeri memlekettik nagradaǵa ıe boldy.
Kásibı merekelerine oraı kólik, energetıka, munaı-gaz, aýyl jáne sý sharýashylyǵy, jedel qyzmetter, bilim, ǵylym, mádenıet, jýrnalıstıka salasynyń ókilderine erekshe syı kórsetildi.
Bıyl elimizdiń sıfrlyq ekojúıesin qalyptastyrý aıasynda qyrýar sharýa atqaryldy.
Sondaı-aq 2025 jyly el ekonomıkasyndaǵy ósim sońǵy on jyldaǵy eń joǵary kórsetkishke jetti.