Belarýs prezıdenti Aleksandr Lýkashenko mereke qarsańynda 22 adamdy bosatý týraly sheshim qabyldady. Olardyń basym bóligi ekstremızm úshin sottalǵandar, dep habarlaıdy Egemen.kz.
Keshirim jasalǵandardyń arasynda 15 áıel jáne 7 er adam bar, olardyń 11-iniń kámeletke tolmaǵan balalary bar. Sottalǵandardyń 20-sy ekstremıstik baǵyttaǵy qylmystary úshin jazasyn ótep jatqan.
Prezıdenttiń baspasóz qyzmeti habarlaǵandaı, olardyń barlyǵy memleket basshysynyń atyna keshirim jasaý týraly ótinish joldap, kinálaryn moıyndaǵan jáne istegen isterine ókinetindikterin bildirgen. Sheshim gýmanıstik turǵydan, sondaı-aq sottalǵandardyń otbasy múddesi men oń minezdemeleri eskerile otyryp qabyldanǵan.
Buǵan deıin Aleksandr Lýkashenko Donald Tramppen qol jetkizilgen kelisimderden keıin, Belarýs aýmaǵynda qylmys jasaǵan Ýkraınanyń 31 azamatyna keshirim jasaý týraly sheshim qabyldaǵan bolatyn.