Shahmat federasııasy tolyqqandy jumys isteıdi

Jýyrda elimizdiń Shahmat federasııasy basshylyǵy arnaıy jıyn ótkizdi. Onda jalpy federasııanyń qyzmeti jáne aǵymdaǵy jylǵy josparlary qaraldy. Osydan biraz buryn «únemdeý jaǵdaıyna oraı federasııa qyzmetin toqtatady-mys» degen syńaıly túrli áńgime estilgen bolatyn. Sebebi, buǵan deıin únem rejimine kóshý, basy artyq shyǵyndy azaıtý jáne shetelderdegi jarystarǵa shyǵý sanyn azaıtý jóninde másele talqylanǵan. Biraq bul federasııa jumysy toqtaıdy degen sóz emes. Osyǵan oraı jurtshylyqqa teris aqparat berip, dúrliktirip qoıǵan QShF atqarýshy dıreksııasynyń basshylyǵyna eskertý jasaldy. Jıynda sondaı-aq, federasııa óz qyzmetin ýaqytsha da toqtatyp kórmegeni jáne toqtatpaıtyndyǵy aıtyldy. О́tken jyly qazaqstandyq shahmatshylar Fransııa, Brazılııa, Grekııa, Norvegııa, Túrkııa, Reseı, Iran, О́z­bekstan jáne BAÁ sııaqty el­derde ótken 20 týrnırlerge qatysqan bolatyn. 2014 jyl federasııa úshin asa sátti boldy. Qazaqstannyń áıelder quramasy búkil dúnıejúzilik shahmat olımpıadasynda 6 orynǵa ıe boldy Bul ázirge qurama komandanyń eń táýir nátıjesi. Munyń syrtynda, erler quramasy Ortalyq Azııa kýbogyndaǵy rapıdte jeńiske jetti, al Dınara Sadýaqasova 18 jasqa deıingi bedeldi kategorııada álem chempıony boldy. Al bıylǵy jyly bizdiń shahmatshylarymyzdyń Taıland, Grekııa, Reseı, О́z­bekstan, Qytaı jáne Italııada ótetin halyqaralyq deńgeıdegi 8 týrnırge qatysýy jos­parlanyp otyr. Degenmen, shah­matshylarymyzdyń ha­lyqaralyq jarystarǵa sa­parǵa shyǵýy qysqarǵanmen, el ishindegi týrnırler sany ózgermeıdi. Mádenıet jáne sport mınıstrligi tarapynan respýblıkada týrnırler ótkizýdi uıymdastyrý úshin jáne sportshylardyń 2015 jyly ótkiziletin bir­qatar halyqaralyq jarys­taryna issaparǵa jiberý maqsatynda jalpy somasy 20 mln. teńge qarajat bólý jos­parlanǵan. Federasııanyń belsendi jumys jasaýy men Qazaqstan shahmatshylaryn el ishindegi jáne shetelderdegi týrnırlerge qatystyrý úshin qosymsha qarjy qajet bolady. Sondyqtan qazirgi ýaqytta demeýshilermen jumys júr­gizilýde. Federasııa keń kó­lemde jumys atqaratyn bolady jáne 2015 jylǵa jos­par­lanǵan barlyq sharalar bekitilgen josparǵa sáıkes ótkiziletin bolady. «Egemen-aqparat».