Qaıǵyly jaǵdaı osy jyldyń 19 tamyzynda Besterek aýylynda bolǵan. Tergeý málimetteri boıynsha, 55 jastaǵy er adam 2013 jyldan beri «epılepsııa» dıagnozymen esepte turǵanyna qaramastan, kólik tizgindeýin toqtatpaǵan.
Kólik basqaryp kele jatqanda ustamasy bastalyp, jol jıeginde oınap júrgen 2 men 9 jas aralyǵyndaǵy alty balany qaqqan. Saldarynan eki bala oqıǵa ornynda, úshinshisi aýrýhanaǵa jetpeı kóz jumdy. Tórtinshi qyzdyń ómiri úshin dárigerler birneshe aı boıy kúreskenimen, ony aman alyp qalý múmkin bolmady. Taǵy eki bala túrli dene jaraqatyn alǵan.
Besterekte bolǵan apattan zardap shekken taǵy bir bala kóz jumdy
Sot aıyptalýshyny kináli dep tanyp, ony 9 jylǵa bas bostandyǵynan aıyrdy. Sondaı-aq ol 7 jyl boıy kólik basqarý quqyǵynan aıyryldy. Sonymen qatar sottalǵan azamat qaza tapqan balalardyń jaqyndaryna moraldyq shyǵyn retinde 50 mıllıon teńge tóleýge mindetteldi.
Besterektegi 4 balanyń ólimine sebep bolǵan jol apatyna qatysty is sotqa jiberildi
Sot úkim shyǵarý kezinde aıyptalýshynyń kinásin moıyndaýyn jáne asyraýynda balasy baryn eskergen, alaıda qylmystyń jas balalarǵa qatysty jasalýy aýyrlatýshy jaǵdaı retinde qarastyryldy.