Keshe «Jolaýshylar tasymaly» AQ ókilderi Astana vokzalynda elektrondy tásilmen bılet satyp alǵan 10 000 000-shy jolaýshyny kútip aldy.
Ol – «Zashıta-Astana» júrdek poıyzymen О́skemen qalasynan kelgen Kúlásh Qunanbaeva bolatyn. 10 000 000-shy jolaýshyǵa baǵaly syılyq – Iphone 6 uıaly telefony tabys etildi. Mundaı saltanatty qarsy alýdy kútpegen K.Qunanbaeva: «Bul men úshin tosyn syı boldy! Rasynda elektrondy bılet óte yńǵaıly, qoljetimdi jáne eń bastysy, ýaqytymyzdy únemdeıdi», – dedi shyn júrekten.
Qazirgi ýaqytta bıletter ınternet arqyly ǵana emes sonymen qatar, respýblıka boıynsha 17 myńnan astam termınaldar arqyly da satylýda.
Qazaqstanda elektrondy bıletterdi satý júıesi jyl saıyn jetildirilý ústinde. Jyldyń aıaǵyna deıin bıletter jedel qosymshalar (mobıldi) jáne elimizdegi barlyq poshta bólimsheleri arqyly satylatyn bolady.
Nurbaı ELMURATOV,
«Egemen Qazaqstan».