Bızneske ruqsat berýler jeńildetilmek

Keshe Premer-Mınıstrdiń bi­rinshi orynbasary Baqytjan Sa­ǵyntaev kásipkerlik qyzmetti retteý máselelerine baılanysty Ve­domstvo­aralyq komıssııanyń kezek­ti otyrysyn ótkizdi, dep habarlady Premer-Mınıstrdiń baspasóz qyz­meti. Komıssııa jumysyna Par­lament depýtattary, ortalyq memlekettik or­gan­dardyń, Ulttyq banktiń, Ulttyq kásip­kerler pa­latasynyń basshylary qatysty. Kún tártibinde Memleket bas­shy­synyń tapsyrmalaryna sáıkes ruqsat berý qujattaryn 50 paıyz­ǵa qysqartý jolymen bıznes úshin ákimshilik kedergilerdi tómendetý máselesi talqylandy. Atap aıtqanda, Sarapshylyq top­tyń IIM, MSM, BǴM, UB jáne basqa da memlekettik organdardyń 134 ruq­sat berýlerin qysqartý jáne qarapaı­ym­dandyrý jónindegi usynysy qaralyp, qoldaý tapty. Barlyǵy 367 ruqsat berý­lerdi qys­qartý qoldaýǵa ıe boldy, bul olardyń jalpy sanynyń 52 paıyzyn quraıdy. Otyrysty qorytyndylaı otyryp Baqytjan Saǵyntaev Prezıdent alǵa qoıǵan mindetterdi júzege asyrýdyń mańyz­dylyǵyn atap ótti, sondaı-aq, birqatar tıisti tapsyrmalar berdi.