Aqparattar aǵyny  

*Elimizde nan jáne un ónimderiniń baǵasyn turaqtandyrý sharalary qolǵa alyndy. Osy maqsatta Azyq-túlik kelisimshart korporasııasy qabyldanǵan me­morandýmdar negizinde óńir­lerge 738 myń tonna astyq jóneltýdi josparlap otyr. Aıta keteıik, 2015 jyldyń qańtarynan beri aımaqtarǵa 18 myń tonna bıdaı jetkizilgen. * «Samuryq-Qazyna» Ult­tyq ál-aýqat qory» AQ bıyl 17 aktıvti jeke­she­lendiredi. Qor basqarma tóraǵasynyń orynbasary Elena Bahmýtova «QazTransGaz Aımaq» AQ, «Alataý Jaryq kom­panııasy» AQ, «Almaty elektr stansalary» AQ, «Al­­­maty Energo Sbyt» JShS, jáne taǵy basqa da iri kom­panııalar satylymǵa shyǵarylatynyn málimdedi. * Astanada dás­túr­li «Qamqorlyq» respýb­lıkalyq aksııasy qory­tyndylandy. Bilim jáne ǵylym mınıstrliginiń bastamasymen ótkizilgen shara barysynda tabysy tómen jáne kóp balaly otbasylarynan shyqqan 2 307 balaǵa jalpy somasy 21 mln. 717 myń teńgege kómek kórsetildi. Munyń 16 mln. 528 myń teńgesi bıýdjet esebinen qaralsa, demeýshiler 5 mln. 189 myń teńge bergen. *Almaty oblysyndaǵy «Ýyz maı̆ Industry» JShS bir maýsymda 16,8 ton­na soıa óndire alady. Serik­tes­tik basshysy Erbol Toqta­ǵu­lovtyń aıtýynsha, zaýyt zamanaýı qurylǵylarmen jabdyqtalǵan. Kóksý aýdany Terekti aýylynda ornalasqan kásiporyn oblystyń «Indýs­trııalandyrý kartasyna» engizildi. * Shymkenttegi K.AZ TEL kásiporny jylyna uzyn­dyǵy 8 mln. shaqyrym symtemir shyǵarady. Ońtús­tik Qazaqstan oblysy ákimdiginiń baspasóz qyzmeti munda kabeldiń 100-den astam túri, jez ben alıýmınıı symdary jasalynatynyn jetkizdi. Atalǵan ónimge naryqta suranys bar. Qurylym «Damý» kásipkerlikti damytý qorynyń qoldaýymen 158 mln. teńge nesıe alǵan. * Petropavlda JEO-2 stansasynyń qýatyn art­tyrý úshin jańǵyrtý ju­mys­tary júrgizilýde. Soltústik Qazaqstan oblysynyń ákimi Erik Sultanovtyń sózine qaraǵanda, bıyl №1 jáne №5 týrbınalardy aýystyrý, №12 qazandyq agregatyn qaıta jóndeý isi bastalǵan. Bul sharalar stansanyń belgilengen qýatyn 25 paıyzǵa ulǵaıtady. * Aqtaýda nan Germanııa tehnologııasymen pisiriledi. Qaladaǵy «Prıozernyı-3» kentinde bir jarym jylda salynyp bitken MAGA BREAD naýbaıhanasy jumys istep jatyr. Onyń qýaty táýligine 50 tonna ónim shyǵarýǵa je­tedi. Kásiporyn nan-toqash ónim­derimen búkil shahardy qamtamasyz ete alady. Munda tolyq shtatta 160 adam bar. Naýbaıhananyń smetalyq quny – 2 mlrd. teńge. Habarlar Úkimet, oblystyq ákimdikter saıttary men «QazAqparat» agenttiginiń derekteri boıynsha daıyndaldy.