2026 jylǵy 1 qańtardan bastap iKOMEK109 mobıldi qosymshasy arqyly ótinishter qabyldaý ýaqytsha toqtatylady, dep habarlaıdy Egemen.kz.
Astana qalasy ákimdiginiń Biryńǵaı baılanys ortalyǵynyń habarlaýynsha, bul ýaqytsha shara turǵyndarǵa kórsetiletin qyzmet sapasyn arttyrý maqsatynda qosymshanyń jańartylǵan nusqasyn iske qosýǵa baılanysty qabyldanǵan.
«Jańartylǵan nusqa iske qosylǵanǵa deıin turǵyndar ótinishterin iKOMEK109 Telegram chat-boty, 109 nómirli baılanys ortalyǵy (qalalyq jáne mobıldi telefondardan), Astana qalasy ákimdiginiń resmı saıty www.gov.kz, 109@ikomekastana.kz elektrondyq poshtasy, sondaı-aq iKOMEK109-dyń Facebook pen Instagram áleýmettik jelilerindegi resmı paraqshalary arqyly joldaı alady», delingen habarlamada.
Sondaı-aq barlyq ótinishter burynǵydaı belgilengen tártippen qabyldanyp, qaralatyny atap ótildi.
Astana qalasy ákimdiginiń baılanys ortalyǵy ýaqytsha qolaısyzdyqtar úshin turǵyndardan túsinistik tanytýdy suraıdy.