Elektrondy úkimet portalynda 2026 jylǵa arnalǵan resmı demalys kúnderiniń kestesi jarııalandy. Bıyl merekelerdiń basym bóligi senbi-jeksenbige sáıkes keletindikten, el turǵyndary úshin demalys kúnderi edáýir uzaratyn bolady, dep habarlaıdy Egemen.kz.
Aptasyna bes kún jumys isteıtin azamattar úshin bıyl merekelerge baılanysty 15 qosymsha demalys kúni qarastyrylǵan.
Merekelik kúnderdiń reti:Jańa jyl men Rojdestvoǵa baılanysty aı basynda 3 kún demalys bar.
Kóktemniń alǵashqy aıynda demalys kóp. 8 naýryz jeksenbige túskendikten, 9 naýryz (dúısenbi) demalys bolady. Al Naýryz meıramynyń eki kúni (21-22 naýryz) demalys kúnderimen sáıkes kelgendikten, 24 jáne 25 naýryz kúnderi de demalys dep jarııalandy. Nátıjesinde 9, 21, 23, 24 jáne 25 naýryz kúnderi demalys bolady.
Mamyr aıynda 4 merekelik kún bar. Atap aıtqanda, 1, 7 jáne 9 mamyr. Jeńis kúni (9 mamyr) senbige týra keledi, sondyqtan demalys 11 mamyrǵa (dúısenbi) aýysady. Sondaı-aq bıyl Qurban aıttyń alǵashqy kúni 27 mamyrǵa dóp keldi.
Astana kúnine oraı 6 shilde (dúısenbi) – demalys.
Konstıtýsııa kúni (30 tamyz) jeksenbi bolǵandyqtan, 31 tamyz (dúısenbi) qosymsha demalys kúni bolyp belgilendi.
Respýblıka kúni (25 qazan) jeksenbige sáıkes keledi, tıisinshe 26 qazan (dúısenbi) jumys bolmaıdy.
Táýelsizdik kúni – 16 jeltoqsan (sársenbi) demalys kúni bolyp qalady.