Elbasy Nursultan Nazarbaev Gennadıı Golovkınge WBA, IBO jáne WBC tujyrymdary boıynsha kásipqoılar arasyndaǵy bokstan álem chempıony ataǵyn qorǵaýyna baılanysty quttyqtaý jedelhatyn joldady, dep habarlady Prezıdenttiń baspasóz qyzmeti.
Jedelhatta Martın Mıýrreımen jekpe-jektegi jeńis maqsatkerliktiń, qajyrly eńbek pen joǵary sheberliktiń kezekti jemisi ekeni aıtylǵan. Memleket basshysynyń atap ótkenindeı, G.Golovkın osy qasıetiniń arqasynda planetadaǵy eń myqty boksshylardyń biri degen ataqqa laıyqty ekenin dáleldedi.
«Qazaqstandyqtar seniń árbir tabysyńa qýanady. Biz seniń kelesi jekpe-jekteriń de otandyq sporttyń mártebesin asyryp, budan da joǵary deńgeıge kóteretinine, óskeleń urpaqqa úlgi bolatynyna senimdimiz», – delingen jedelhatta.
Sońynda Elbasy qazaqstandyq boksshyǵa myqty densaýlyq jáne jańa jeńister tiledi.