Oqý-aǵartý mınıstrligi ornyqty bilim berý júıesin qalyptastyrý boıynsha jumystar júrgizýde. 2026 jyldaǵy negizgi bastamalar men jańashyldyqtar týraly Oqý-aǵartý vıse-mınıstri Shynar Aqparova aıtyp berdi, dep jazady Egemen.kz.
«Oqý-aǵartý mınıstrligi Memleket basshysynyń tapsyrmalaryn oryndaý maqsatynda bilim berý júıesinde aýqymdy sharalardy júzege asyrýdy josparlap otyr. Onyń ishinde «Pedagog mártebesi týraly» Zańǵa ózgerister engizilýde. Bul ózgerister pedagogterdi artyq qaǵazbastylyqtan qorǵaýǵa, mektepten tys ýaqytta balalarǵa qatysty jazataıym oqıǵalar úshin ata-analardyń da jaýapkershiligin naqtylaýǵa, sondaı-aq pedagog quqyǵyn qorǵaýdy kúsheıtýge baǵyttalǵan», dep atap ótti Shynar Aqparova.
Sondaı-aq 2026–2030 jyldarǵa arnalǵan «Qazaqstan balalary» biryńǵaı baǵdarlamasynyń tujyrymdamasyn bekitý týraly Úkimettiń qaýlysynyń jobasy ázirlendi. Bul qujat balalardyń quqyqtaryn qorǵaý, balanyń qaýipsizdigi, bilim alý quqyǵy, densaýlyq saqtaý quqyǵy, áleýmettik qoldaý salasyndaǵy barlyq qoldanystaǵy sharalardy biriktiredi. Mamandandyrylǵan bilim berý uıymdaryn jańartý jalǵasýda, sonyń ishinde Abaı atyndaǵy mektep-ınternaty Abaı mektebine transformasııalanyp, jańa oqý mazmunmen tolyqtyryldy.
Sonymen birge jetim balalar men ata-anasynyń qamqorlyǵynsyz qalǵan balalardyń quqyn qorǵaýdy kúsheıtý jáne bilim berý salasyndaǵy yntalandyrý tetikterin jetildirý boıynsha sharalar qabyldanýda. Máselen, halyqaralyq ǵylymı joba konkýrstarynyń jeńimpazdaryna, sondaı-aq olardy daıarlaǵan pedagogterge birjolǵy memlekettik syıaqy qarastyrylǵan. Sondaı-aq «Múmkindigi shekteýli balalardy keshendi qoldaý týraly» Zań jobasy qaralýda.
Barlyq qabyldanyp jatqan sharalar balanyń múddesine, pedagogtardy qoldaýǵa jáne sapaly bilimge teń qol jetkizýge baǵdarlanǵan tutas jáne ornyqty bilim berý júıesin qurýǵa baǵyttalǵan.