Almatynyń «Qaırat» klýbynyń jáne Qazaqstan quramasynyń 17 jastaǵy shabýylshysy Dastan Sátpaev 21 jasqa deıingi fýtbolshylardyń álemdik reıtınginde birinshi orynǵa shyqty. Bul týraly Egemen.kz habarlaıdy.
Reıtıng qorytyndysy boıynsha Dastan Sátpaevtyń áleýettik kórsetkishi 88,6 balldy qurady. Al onyń qazirgi chempıonattaǵy ortasha reıtıngi 65,6 ball deńgeıinde.
Ekinshi orynǵa Gondýras quramasy men Olımpııa klýbynyń 18 jastaǵy shabýylshysy Derek Monkada (86,7), úshinshi orynǵa Bolıvııanyń Bolıvar klýbynyń 18 jastaǵy qorǵaýshysy Eskleıson Freıta (87,1) jaıǵasty.
TransferRoom málimetinshe, bul reıtıngter jas oıynshylardyń áleýetin olardyń ulttyq chempıonattaryndaǵy ortasha deńgeımen salystyrý arqyly jasalǵan. Portal 2026 jyly dál osy fýtbolshylarǵa erekshe nazar aýdarýǵa keńes beredi.
Sondaı-aq Sátpaevtyń áleýettik kórsetkishi qazirgi álemdik juldyzdar — Iozýa Kımmıh, Ýsman Dembele jáne Rýben Dıash deńgeıimen salystyrylǵan.