Fabbıng – áńgimelesip otyrǵan adamdy elemeı, telefonǵa úńilý ádeti. Qarapaıym kóringenimen, bul qubylys tiri qarym-qatynasty álsiretip, psıhologııalyq máselelerge ákelýi múmkin, dep jazady Egemen.kz.
Mamandardyń aıtýynsha, fabbıng adamdy ekranǵa táýeldi etedi. Mı únemi habarlamalar men laıktardan qysqa merzimdi «lázzat» alýǵa úırenip, shynaıy qarym-qatynas ekinshi orynǵa yǵysady. Sonyń saldarynan emosııany túsiný, empatııa jáne nazar aýdarý qabileti tómendeıdi.
Bul jaǵdaıdy keıde «sıfrlyq aýtızm» dep ataıdy. Ol medısınalyq dıagnoz emes, biraq áleýmettik oqshaýlaný, emosııalyq salqyndaý, betpe-bet sóılesýden qashý sııaqty belgilermen sıpattalady. Ásirese balalar men jasóspirimder úshin qaýipti, óıtkeni bul kezeńde emosıonaldyq ıntellekt qalyptasady.
Negizgi belgileri:
Adam sóılesý kezinde únemi telefon tekseredi Jandy áńgimeden góri hat almasýdy tańdaıdy Gadjetsiz qalsa ashýlanady Tiri kezdesýler men hobbıge qyzyǵýshylyǵy tómendeıdiPsıhologtar fabbıngtiń aldyn alý úshin ekransyz ýaqyt belgileýdi, habarlamalardy shekteýdi, tiri kezdesýlerge mán berýdi jáne nazardy damytý jattyǵýlaryn usynady.
Fabbıng zııansyz ádet emes. Ol shynaıy qarym-qatynasty álsiretip, emosııalyq baılanysqa keri áser etedi.