Air Astana áýe kompanııasy Astanadaǵy qolaısyz meteojaǵdaılarǵa baılanysty reısterdiń keshigýi jáne ushý kestesiniń ózgerýi múmkin ekenin habarlady, dep jazady Egemen.kz.
Kompanııanyń málimetinshe, 4 qańtar kúni reısterde rotasııalyq keshigýler jalǵasyp jatyr. Buǵan deıin Air Astana 3 qańtardan 4 qańtarǵa qaraǵan túni Almatydan oryndalatyn Airbus A320neo ushaqtarymen júzege asatyn reısterdiń keshikkenin habarlaǵan. Onyń sebebi aýa raıynyń nasharlaýymen baılanysty. Tuman jáne kóriný qashyqtyǵynyń 150 metrden tómendeýi saldarynan ushýǵa shekteýler qoıyldy.
Áýe kompanııasy ushý kestesin qalpyna keltirý úshin barlyq qajetti sharalardy qabyldap jatqanyn, onyń ishinde FlyArystan áýe kompanııasynyń rezervtik ushaǵy da paıdalanylyp jatqanyn atap ótti.