Búgin «Turkistan» gazetinde Memleket basshysy Qasym-Jomart Toqaevtyń aýqymdy suhbaty jarııalandy. Suhbat barysynda atalǵan gazettiń bas redaktory Baýyrjan Babajanuly Prezıdentten jańa jyl qarsańynda Nursultan Nazarbaevtyń Kremlge sapary týraly pikirin bilip, bılik tranzıtine qatysty oıyn surady, dep jazady Egemen.kz.
Qasym-Jomart Toqaev Nursultan Nazarbaevtyń Vladımır Pýtınmen kezdesýleri beıresmı sıpatqa ıe ekenin atap ótti. Bul týraly Reseı prezıdentiniń ózi Toqaevqa taıaýda Sankt-Peterbýrgte ótken basqosýda Nursultan Nazarbaevty onyń ótinip suraýy boıynsha qabyldaıtynyn jetkizgen.
Toqaev eks-prezıdenttiń Máskeýge sapary týraly: Ne aıtylǵany maǵan qyzyq emes
Baýyrjan Babajanuly saýalynda Kremldegi kezdesýde Qazaqstanda 2029 jyly bolatyn bılik tranzıti týraly sóz qozǵalǵanyn, Nazarbaev Vladımır Pýtınniń tikeleı qoldaýymen sol iste eń basty ról atqarǵysy keledi eken degen alyp-qashpa áńgime shyqqanyna nazar aýdardy. Osy oraıda «Turkistan» gazetiniń bas redaktory Qasym-Jomart Toqaevtan bılik tranzıti týraly ne aıtatynyn surady.
«Bul jóninde sóz qozǵaýǵa áli erte, aldymyzda tabandy jumysqa toly birneshe jyl bar», dep jaýap berdi Qasym-Jomart Toqaev.
Buǵan deıin Memleket basshysy jańa salyq reformasyna qatysty el ishinde dúrbeleń týǵyzyp, jurtty dúrliktirýdiń eshqandaı jóni joq ekenin atap ótken edi.