Edmýndo Gonsales óziniń «H» áleýmettik jelisindegi beıneúndeýinde halyqtyń 2024 jylǵy 28 shildedegi tańdaýy aıaqqa taptalǵanyn aıtyp, qazirgi jaǵdaıdy «bılikti ýzýrpasııalaý» dep atady.
«Búgin bılikti basyp alǵan adam elde emes jáne ol sot aldynda jaýap beredi. Eldegi shynaıy turaqtylyq halyqtyń 28 shildedegi tańdaýy qurmettelgende ǵana ornaıdy», dedi Gonsales.
Sondaı-aq ol eldiń qarýly kúshterine úndeý tastap, ózin Joǵarǵy Bas qolbasshy retinde tanýdy talap etti.
Venesýela kóshbasshysy búgin sotqa tartylady
Bılik kimniń qolynda?2024 jylǵy saılaýda Ulttyq saılaý keńesi Nıkolas Madýrony jeńimpaz dep jarııalaǵan bolatyn. Alaıda AQSh bastaǵan birqatar elder bul nátıjeni moıyndamaı, Gonsalesti zańdy basshy dep esepteıdi.
2026 jyldyń 4 qańtaryndaǵy jaǵdaı boıynsha:
Venesýela Joǵarǵy soty prezıdent ustalǵannan keıin (Madýro týraly aıtylýda), memleket basshysynyń mindetin ýaqytsha atqarýshy retinde vıse-prezıdent Delsı Rodrıgesti taǵaıyndady. Alaıda AQSh Prezıdenti Donald Tramp Delsı Rodrıgeske eskertý jasap, eger ol Vashıngtonnyń talaptaryn oryndamasa, aýyr saldarǵa tap bolatynyn málimdedi.Edmýndo Gonsales óz úndeýinde: «Biz óz prınsıpterimizge eshqashan opasyzdyq jasamaımyz, ultty qalpyna keltirý osyǵan negizdeledi. Venesýela quqyqtar men úmit saltanat qurǵan bolashaqqa laıyqty», dep atap ótti.
AQSh Venesýelanyń astanasy Karakasqa áýe soqqylaryn jasady
Qazirgi ýaqytta Venesýelada ekiudaı bılik ornap, halyqaralyq qaýymdastyqtyń nazary Latyn Amerıkasyna aýyp otyr. Jaǵdaıdyń budan ári qalaı órbıtini áskerılerdiń kimdi qoldaıtynyna tikeleı baılanysty bolmaq.