5 qańtardan bastap el azamattary kólik nómirin óz qalaýynsha tańdaı alady. Bul norma 2026 jyldyń 1 qańtarynan bastap kúshine engenmen, atalǵan qyzmet búginnen bastap qoljetimdi bolyp otyr, dep jazady Egemen.kz.
Kólik nómiriniń qajetti san jáne árip kombınasııasyn mamandandyrylǵan halyqqa qyzmet kórsetý ortalyqtarynan tańdaýǵa bolady.
Kez kelgen san men árip kombınasııasyn 10 AEK (43 250 teńge) nemese 15 AEK (64 875 teńge) tólep alýǵa bolady.
Tek joǵary suranysqa ıe VIP-nómirler úshin tólem mólsheri ózgeredi.
Máselen, 010, 020, 030, 040, 050, 060, 070, 077, 080, 090 jáne 707 syndy VIP-nómirlerdiń quny – 57 AEK (246 525 teńge) bolyp bekitilgen.
Osyǵan uqsas sandar birdeı áripter kombınasııasymen tańdaǵan júrgizýshiler 114 AEK (493 050 teńge) tóleýi tıis.
100, 111, 200, 222, 300, 333, 400, 444, 500, 555, 600, 666, 700, 800, 888, 900, jáne 999 syndy sandar tizbeginiń quny – 137 AEK (592 525 teńge). Osy sandarǵa qosa birdeı áripterdi tańdaıtyn bolsańyz – 194 AEK (839 050 teńge) tóleý kerek.
001-009 aralyǵy men 777 syndy nómirler quny – 228 AEK (986 100 teńge) bolsa, osy nómirler tizbeginde birdeı áripten quralǵan kombınasııa úshin – 285 AEK (1 232 625 teńge) shyǵyndaýyńyz qajet.