Búgin saǵat 17:00-de 2 oblys aýmaǵyndaǵy respýblıkalyq mańyzy bar avtojoldarda júk jáne qoǵamdyq kólik túrleriniń qozǵalysyna shekteý engizildi. Jol bólikteriniń jabylýy aýa raıynyń buzylýyna baılanysty bolyp otyr, dep jazady Egemen.kz.
Batys Qazaqstan aýmaǵyndaǵy «Aqtóbe-Oral-RF shekarasy» jolynyń bir bóligi, naqty aıtqanda, 393-526 shaqyrymy tusy jabyldy. Bul Jympıty aýylynan Aqtóbe oblysynyń shekarasyna deıingi aralyq.
Aqtóbe aımaǵyndaǵy «Aqtóbe-Oral-RF shekarasy» avtojolynyń 526-702 shaqyrym aralyǵy BQO-nyń shekarasynan Marjanbulaq aýylyna deıingi jol bóligi jabylyp otyr. Bul – atalǵan joldyń 526-702 shaqyrymy aralyǵyn qamtıdy.
«Jol bólikterin 6 qańtar saǵat 07:00-de ashý josparǵa alynǵan. 1403 baılanys ortalyǵyna habarlasyp, táýlik boıy qosymsha aqparat alýǵa bolady», delingen «QazAvtoJol» habarlamasynda.